അനീഷ് അൻവർ സംവിധാനം ചെയ്ത രാസ്ത ബാംഗ്ലൂർ ഇന്റർനാഷണൽ ഫിലിം ഫെസ്റ്റിവലിലെ ചിത്രഭാരതി (ഇന്ത്യൻ) വിഭാഗത്തിൽ ഒഫീഷ്യൽ സെലെകഷൻ നേടി. ഒമാനിൽ ചിത്രീകരിച്ച ഈ സിനിമയ്ക്ക് മികച്ച സ്വീകാര്യതയായിരുന്നു ലഭിച്ചിരുന്നത്. റൂബൽ ഖാലി എന്ന ഏറ്റവും വലുപ്പമേറിയതും അപകടകരവുമായ മരുഭൂമിയെ പശ്ചാത്തലമാക്കി ഒരുക്കിയ ഈ സിനിമ ജനുവരി അഞ്ചിന് ആയിരുന്നു തിയ്യേറ്ററുകളിലേക്ക് പ്രദര്ശനത്തിന് എത്തിയത്. ഒമാനിലെ ഇബ്രി, സൌദി അറേബ്യ, യു എ ഇ, യെമൻ എന്നിവിടങ്ങളിലായിരുന്നു ചിത്രത്തിന്റെ ഷൂട്ടിംഗ്. ഒമാനിൽ ആദ്യമായി ചിത്രീകരിച്ച ഒരു ഇന്ത്യൻ സിനിമ കൂടിയാണ് രാസ്ത. ഈ മരുഭൂമിയിൽ പെട്ടുപോകുന്ന നാലു മനുഷ്യരുടെ അതിജീവന കഥയാണ് ചിത്രത്തിലൂടെ പറയുന്നത്.
അലു എന്റർടെയിൻമെന്റ്സിന്റെ ബാനറിൽ ലിനു ശ്രീനിവാസൻ നിർമ്മിച്ച സിനിമയാണിത്. സക്കറിയയുടെ ഗർഭിണികൾ, കുമ്പസാരം, ഗ്രാൻഡ് ഫാദർ തുടങ്ങിയവയാണ് അനീഷ് അൻവർ സംവിധാനം ചെയ്ത മറ്റ് സിനിമകൾ. ഷാഹുൽ, ഫായീസ് മടക്കര എന്നിവരുടേതാണ് കഥയും തിരക്കഥയുംസംഭാഷണവും. സർജാനൊ ഖാലിദ്, ആരാദ്ധ്യ ആൻ, സുധീഷ്, ഇർഷാദ്, ടി ജി രവി, അനഘ നാരായണൻ, തുടങ്ങിയവരും ഒമാനിലെ അഭിനേതാക്കളും രാസ്തയിൽ അഭിനയിച്ചിരിക്കുന്നു. അറബിയിലും ചിത്രം പ്രദർശനത്തിപ്പിച്ചിട്ടുണ്ട്. ഛായാഗ്രഹണം വിഷ്ണു നാരായണൻ, വരികൾ വേണു ഗോപാൽ ആർ, ബി കെ ഹരിനാരായണൻ, അൻവർ അലി, സംഗീതം വിഷ്ണു മോഹൻ സിതാര, എഡിറ്റിങ് അഫ്തർ അൻവർ എന്നിവർ നിർവഹിച്ചു.
