Thursday, April 3, 2025

‘ആദ്യമായി എനിക്കു സിനിമയില്‍ അവസരം തന്നത്  സിദ്ദിഖ്’- ഹരിശ്രീ അശോകന്‍

‘എന്‍റെ ആദ്യ സിനിമയായ ‘പ്രിയപ്പെട്ട പപ്പന്‍’ എഴുതിയത് സിദ്ദിഖ്- ലാലാണ്, ആദ്യമായി എനിക്കു സിനിമയില്‍ അവസരം തന്നതും സിദ്ദിഖ്’. അന്തരിച്ച സംവിധായകന്‍ സിദ്ദിഖിനെ അനുസ്മരിച്ചു കൊണ്ട് ഹരിശ്രീ അശോകന്‍. ജീവിതാവസാനം വരെ കുടുംബകാര്യങ്ങളും വ്യക്തി ദുഖങ്ങളും തമ്മില്‍ പങ്കുവയ്ക്കുമായിരുന്നു. ഹരിശ്രീ അശോകന്‍ പറഞ്ഞു.

മിമിക്രി എന്ന കലാരൂപത്തിലെ എന്‍റെ  റോള്‍ മോഡലുകളായിരുന്നു സിദ്ദിഖും ലാലും. മിമിക്രിയിലെ അവരുടെ അച്ചടക്കം എനിക്ക് മാതൃകയായിരുന്നു. അതിനുശേഷം അവരോടൊപ്പം സ്റ്റേജ് ചെയ്യാന്‍ കഴിഞ്ഞതും വലിയ ഭാഗ്യമായാണ് കരുതുന്നത്. സ്റ്റേജില്‍ ഒരു ആര്‍ട്ടിസ്റ്റ് അഭിനയിക്കുമ്പോള്‍ പിന്നില്‍നിന്ന് സിദ്ദിഖും അഭിനയിക്കും. അഭിനയകാര്യത്തില്‍ വലിയ ടെന്‍ഷനുണ്ടായിരുന്ന ആളാണ്. എന്‍റെ ആദ്യത്തെ സിനിമയായ ‘പ്രിയപ്പെട്ട പപ്പന്‍’ എഴുതിയത് സിദ്ദിഖ് ലാലാണ്. ആദ്യമായി എനിക്കു സിനിമയില്‍ അഭിനയിക്കാന്‍ അവസരം തന്നതും സിദ്ദിഖാണ്. പിന്നീട് സിദ്ദിഖ് ലാലിന്‍റെയും സിദ്ദിഖിന്‍റെയും അനവധി സിനിമകളില്‍ ഞാന്‍ അഭിനയിച്ചിട്ടുണ്ട്’, – ഹരിശ്രീ അശോകന്‍ പറഞ്ഞു.

ക്രോണിക് ബാച്ച്‌ലര്‍ എന്ന  സിനിമ ചെയ്യുന്ന സമയത്ത്, യൂണിറ്റുലാണ്ടിരുന്ന ആരോ സംസാരിച്ചപ്പോള്‍ ഷൂട്ടിന് തടസ്സമുണ്ടായി. ‘നിങ്ങളള്‍ക്ക് ഒന്നു മിണ്ടാതിരുന്നുകൂടേ, ഇവിടെ എന്താണ് സംഭവിക്കുന്നതെന്ന് നിങ്ങള്‍ക്കറിയില്ലേ, പ്രൊഡ്യൂസര്‍ എന്ന വലിയ മനുഷ്യന്‍ ഇതിനൊക്കെ പിന്നിലുണ്ട്. അദ്ദേഹത്തിന്‍റെ പൈസയിട്ടാണ് നമ്മളീ കളിക്കുന്നതെന്ന് ചിന്തിക്കണം’ എന്നുമാത്രം പതിയെ പറഞ്ഞു. എന്നാല്‍ ഷോട്ട് തീര്‍ന്നതിനു ശേഷം അദ്ദേഹം അവരോട് പോയി മാപ്പ് പറയുന്നതാണ് കണ്ടത്. ‘അപ്പോള്‍ അങ്ങനെ പറഞ്ഞുപോയി, ക്ഷമിക്കണം’ എന്ന്. ആളുകളേയും അവരുടെ സൗഹൃദങ്ങളേയും അത്രത്തോളം ചേര്‍ത്തുനിര്‍ത്തുന്ന വ്യക്തിയായിരുന്നു സിദ്ദിഖ്. ധാരാളം അവിസ്മരണീയ സിനിമകള്‍ ചെയ്ത മഹാപ്രതിഭയായിരുന്നെങ്കിലും യാതൊരു ദുശ്ശീലങ്ങളും അദ്ദേഹത്തിനുണ്ടായിരുന്നില്ല. ഒരാളോടും മറിച്ചൊന്നും സംസാരിക്കുമായിരുന്നില്ല. സ്‌നേഹം കൊണ്ട് എല്ലാവരേയും തോല്‍പിക്കുന്ന ആളായിരുന്നു. എല്ലാ മലയാളികള്‍ക്കും സിദ്ദിഖ് ആരായിരുന്നുവെന്നും എന്തായിരുന്നും അറിയാം. കൂടുതല്‍ പറയേണ്ടതില്ല.’- ഹരിശ്രീ അശോകന്‍ പറഞ്ഞു.




spot_img

Hot Topics

Related Articles

Also Read

മഹിമ- ഷെയ്ൻ മൂവി ‘ലിറ്റിൽ ഹെർട്സ്’ ജൂൺ ഏഴിന് തിയ്യേറ്ററുകളിൽ

0
പ്രേക്ഷകർക്കിടയിൽ ജനപ്രിയത നേടിയ ആർ ഡി  എക്സിന് ശേഷം മഹിമയും ഷെയ്ൻ നിഗവും ഒന്നിക്കുന്ന  പുതിയ ചിത്രം ‘ലിറ്റിൽ ഹെർട്സ്’ ജൂൺ ഏഴിന് തിയ്യേറ്ററുകളിൽ പ്രദർശനത്തിന് എത്തും

പ്രഗ്യാ നാഗ്രയും ലുക് മാൻ അവറാനും ഒന്നിക്കുന്ന ചിത്രം ‘ബോംബൈ പോസറ്റീവ്’ ഉടൻ

0
ഉണ്ണി മൂവീസ്, ഹരീഷ് മൂവീസ് എന്നിവയുടെ ബാനറിൽ ഉണ്ണികൃഷ്ണൻ, ഹരീഷ് കുമാര് എന്നിവർ ചേർന്ന് നിർമ്മിച്ച് ജീവൻ സംവിധാനം ചെയ്യുന്ന ചിത്രം ‘ബോംബൈ പോസറ്റീവ്’ ചിത്രീകരണം പൂർത്തിയായി, ചിത്രത്തിൽ ലുക് മാൻ അവറാനും പ്രഗ്യാ നാഗ്രയും ആണ് പ്രധാന കഥാപാത്രങ്ങളായി എത്തുന്നത്.

റൊമാന്‍റിക് കോമഡി ത്രില്ലറുമായി  ഷാനവാസ്; ചിത്രീകരണം ആരംഭിച്ചു

0
റൊമാന്‍റിക് കോമഡി ത്രില്ലര്‍ ചിത്രത്തില്‍ മെട്രോനഗരത്തില്‍ ജീവിക്കുന്ന മൂന്നുപേരുടെ പ്രണയകഥയാണ് പറയുന്നത്.  

‘കണ്ണൂര്‍ സ്ക്വാഡി’ന് പറയാനുണ്ട് അതിജീവിച്ച ‘മഹായാന’ത്തെ കുറിച്ച്

0
അന്ന് അതിജീവിച്ചു കൊണ്ട് മഹായാനം നടത്തിയ സി ടി രാജന്‍ എത്തി നില്‍ക്കുന്നത് കണ്ണൂര്‍ സ്ക്വാഡ് എന്ന സൂപ്പര്‍ ഹിറ്റായ മമ്മൂട്ടി ചിത്രത്തിന് മുന്നിലാണ്. ചിത്രത്തിന്‍റെ തിരക്കഥ സി ടി രാജന്‍റെ മൂത്തമകന്‍ റോബിയുടെതാണ്. സംവിധാനം ഇളയ മകന്‍ റോണിയുടെതും.

സത്യന്‍ അന്തിക്കാടും ശ്രീനിവാസനും വീണ്ടും ഒന്നിക്കുന്നു; പുതിയ സിനിമയ്ക്കായുള്ള കാത്തിരിപ്പില്‍ മലയാളികള്‍

0
“എന്‍റെ അടുത്ത സിനിമയ്ക്കായി ഞാന്‍ ശ്രീനിക്കൊപ്പം ഇരിക്കുന്നു”, അനൂപ് സത്യനോട് സത്യന്‍ അന്തിക്കാട് പറഞ്ഞ ഈ വാക്കുകളും ഇരു കുടുംബങ്ങളും ഒന്നിച്ചിരുന്നുള്ള ചിത്രവും അനൂപ് സത്യന്‍ ഫേസ് ബുക്കില്‍ പങ്ക് വച്ചു.