‘ഉരു’വിന്‍റെ ഗംഭീര വിജയത്തിനു ശേഷം ‘മോണിക്ക ഒരു എ ഐ സ്റ്റോറി’യുമായി ഇ എം അഷ്റഫ് കഥ എഴുതി സംവിധാനം ചെയ്യുന്ന ചിത്രത്തിന്‍റെ ടൈറ്റില്‍ പോസ്റ്റര്‍ എം പി ജോണ്‍ ബ്രിട്ടാസ് മാഹിയില്‍ വെച്ച് പ്രകാശനം ചെയ്തു. എ ഐ പ്രദഹന്‍ കഥാപാത്രമാകുന്നതാണ് ചിത്രത്തിന്‍റെ പ്രത്യേകത. സാംസ് പ്രൊഡക്ഷന്‍സിന്‍റെ ബാനറില്‍ മന്‍സൂര്‍ പള്ളൂര്‍ ചിത്രം നിര്‍മ്മിക്കുന്നു.
മജീഷ്യന്‍ ഗോപിനാഥ് മുതുകാട്, അപര്‍ണ്ണ മള്‍ബറി, ബാലനടന്‍ ശ്രീപത് എന്നിവര്‍ ഉള്‍പ്പെട്ട ആദ്യ മോഷന്‍ പോസ്റ്റര്‍ എം മുകുന്ദനും സംഗീതസംവിധായകനായ യൂനിസിയോ ട്യൂണ്‍ ചെയ്ത റിങ്ങ് ടോണ്‍ കൈതപ്രം ദാമോദരന്‍ നമ്പൂതിരിയും ചേര്‍ന്ന് പ്രകാശനം ചെയ്തു. വി എം ഇബ്രാഹിം, ഇ എം അഷ്റഫ്, എം പി ഉല്ലേഗ്, പ്രദീപ് ചൊക്ലി, ശിഹാബുദ്ദീന്‍ പൊയ്ത്തുംകടവ്, കെപി ശ്രീശന്‍, തുടങ്ങിയവര്‍ ചടങ്ങില്‍ പങ്കെടുത്തു.
