Friday, April 4, 2025

‘എപ്പോഴും നല്ല സിനിമകൾ ചെയ്യാൻ ​ഗം​ഗേട്ടൻ പ്രേരിപ്പിക്കുമായിരുന്നു’- സംവിധായകന്‍ ജയരാജ്

‘ഞങ്ങളൊക്കെ അദ്ദേഹത്തെ ​ഗം​ഗേട്ടൻ എന്നാണ് വിളിച്ചിരുന്നത്. സിനിമ അദ്ദേഹത്തിന്‍റെ  ഒരു ആത്മസുഹൃത്തായിരുന്നു എന്നുപറയാം. ഡൽഹിയിൽ ഇന്‍റർനാഷണൽ ഫിലിം ഫെസ്റ്റിവൽ നടക്കുന്ന സമയത്തൊക്കെ അദ്ദേഹത്തിന്‍റെ സാന്നിധ്യം അവിടെ എപ്പോഴുമുണ്ടായിരുന്നു. അവിടെയൊക്കെ മലയാളത്തിന്‍റെ  ഒരു സാന്നിധ്യമായിരുന്നു അദ്ദേഹം. നമ്മളെ എപ്പോഴും നല്ല സിനിമകൾ ചെയ്യാൻ ​ഗം​ഗേട്ടൻ പ്രേരിപ്പിക്കുമായിരുന്നു. 2000- ലാണ് ശാന്തം എന്ന സിനിമയുടെ കഥ അദ്ദേഹത്തിനോട് പറയുന്നത്. ഐ. എം വിജയനൊക്കെ അഭിനയിച്ച ശാന്തത്തിന് മികച്ച ഫീച്ചർ ചിത്രത്തിനുള്ള ദേശീയ പുരസ്കാരം ലഭിച്ചു. ചിത്രത്തിലെ അഭിനയത്തിന് കെ.പി.എ.സി ലളിതയ്ക്ക് മികച്ച സഹനടിക്കുള്ള പുരസ്കാരവും ലഭിച്ചു. ആ സമയത്ത് ​ഗം​ഗേട്ടൻ വളരെയധികം സന്തുഷ്ടനായിരുന്നു. ‌പിന്നീട് എപ്പോൾ കാണുമ്പോഴും നല്ല സിനിമകൾ ചെയ്യാൻ ആ​ഗ്രഹിക്കുന്ന ​ഗം​ഗേട്ടനെയാണ് കാണാൻ സാധിച്ചത്.

 മാസങ്ങൾക്ക് മുൻപ് അവസാനമായി കണ്ടപ്പോഴും അദ്ദേഹം ചെയ്യാൻ ആ​ഗ്രഹിക്കുന്ന നല്ല സിനിമയെക്കുറിച്ച് ചർച്ച ചെയ്തിരുന്നു. നിർമാതാവെന്ന നിലയിൽ മാത്രമല്ല, സിനിമയിൽ എന്ത് കാര്യത്തിലും നമ്മളെ സഹായിക്കുകയും ഉപദേശം നൽകുകയും ചെയ്യുന്ന സുഹൃത്തായിരുന്നു അദ്ദേഹം, സ്നേഹസമ്പന്നനായിരുന്നു. മലയാള സിനിമയുടെ ഒരു കാരണവരായിയിട്ടേ അദ്ദേഹത്തെ നമുക്ക് ഓർമിക്കാൻ സാധിക്കുകയുള്ളൂ. ചെറുതായി ശാരീരിക ബുദ്ധിമുട്ടുകൾ അനുഭവിക്കുന്ന സമയത്ത് പോലും പുതിയ ചിത്രമിറങ്ങുമ്പോൾ അദ്ദേഹം ഫോണിൽ വിളിച്ച് അഭിനന്ദനങ്ങൾ അറിയിക്കുമായിരുന്നു. പുതിയ സിനിമ ചെയ്യാൻ നമുക്ക് പ്രേരണയായി മാറുന്ന നിറസാന്നിധ്യമായിരുന്നു പി.വി. ഇത്രയും സ്നേഹസമ്പന്നനായ ഒരാളെ ഞാൻ ഇൻഡസ്ട്രിയിൽ കണ്ടിട്ടില്ല. ഒരിക്കൽ പോലും അദ്ദേഹം മുഖം കറുപ്പിച്ച് സംസാരിക്കുകയോ ആരോടെങ്കിലും ദേഷ്യപ്പെട്ട് സംസാരിക്കുകയോ ചെയ്യുന്നത് ഞാൻ കണ്ടിട്ടില്ല. എന്നും ആ ചിരിയോടെ ചേർത്ത് പിടിക്കുന്ന താങ്ങായിരുന്നു പി.വി’, ജയരാജ് മാധ്യമങ്ങളോട് പറഞ്ഞു.

മന്ത്രി അഹമ്മദ് ദേവര്‍കോവില്‍, സി പി എം ജില്ലാ സെക്രട്ടറി പി മോഹനന്‍, മാതൃഭൂമി മാനേജിങ് ഡയറക്ടര്‍ എം വി ശ്രേയാംസ് കുമാര്‍, സംവിധായകന്‍ ഹരിഹരന്‍, മേയര്‍ ബീന ഫിലിപ്പ്, തുടങ്ങി  നിരവധി പ്രമുഖതാരങ്ങളും വീട്ടിലെത്തി അന്ത്യാഞ്ജലി അര്‍പ്പിച്ചു. കോഴിക്കോട് കെ പി കേശവമേനോന്‍ ഹാളില്‍ വൈകീട്ട് മൂന്ന് മുതല്‍ പൊതുദര്‍ശനത്തിന് വയ്ക്കും. ശനിയാഴ്ച വൈകീട്ട് ആറ് മണിക്ക്  ആഴ്ചവട്ടത്തെ വീട്ടുവളപ്പില്‍ സംസ്കരിക്കും.  




spot_img

Hot Topics

Related Articles

Also Read

നവയുവത്വത്തിന്റെ അനശ്വര നടനം

0
മലയാള സിനിമയുടെ കാലാകാലങ്ങളായുള്ള സൂപ്പർ ഹിറ്റ് നടിമാരുടെ കൂട്ടത്തിലൊരാളായി മുൻനിരയിലേക്കാണ് ഇപ്പോൾ അനശ്വര രാജന്റെ എൻട്രി. ഒരുപക്ഷേ വളർന്നു വരുന്ന ഏറ്റവും പുതിയ തലമുറകൾക്കിടയിൽ ജനപ്രീതി ലഭിച്ചു കൊണ്ടിരിക്കുന്ന വനിതാ താരം. കാലത്തിനൊത്തും സാഹചര്യത്തിനൊത്തും നിരന്തരം അപ്ഡേറ്റാണ് അനശ്വര.

കിടിലന്‍ ലുക്കില്‍ മോഹന്‍ലാല്‍; പുത്തന്‍ പോസ്റ്ററുമായി ആവേശം കൊള്ളിച്ച് ‘മലൈക്കോട്ടെ വാലിബന്‍ ‘

0
ചിത്രത്തിന്‍റെ കഥയെ കുറിച്ചോ മറ്റ് അഭിനേതാക്കളുടെ കഥാപാത്രങ്ങളെക്കുറിച്ചോ വിവരങ്ങള്‍ പുറത്തുവിടാത്തതാണ് ചിത്രത്തിന്‍റെ പ്രധാന പ്രത്യേകത.

പ്രശസ്ത വയലിനിസ്റ്റ് ബി. ശശികുമാർ അന്തരിച്ചു

0
കേന്ദ്ര- സംഗീത- നാടക- അക്കാദമി പുരസ്കാരവും കേരള- നാടക അക്കാദമി ഫെല്ലൊഷിപ്പും നേടി.

ഹിന്ദിയില്‍ ഒരുങ്ങുന്ന മലയാളത്തിന്‍റെ സ്വന്തം സൂപ്പര്‍ ഹിറ്റ് ‘ബാoഗ്ലൂര്‍ ഡേയ്സ്’, ട്രയിലര്‍ പുറത്ത്

0
2014- ല്‍ അഞ്ജലി മേനോന്‍ സംവിധാനം ചെയ്ത സൂപ്പര്‍ ഹിറ്റ് ചിത്രം ‘ബാoഗ്ലൂര്‍ ഡേയ്സ്’ ഹിന്ദി റീമേക്കിന് ഒരുങ്ങുന്നു. ദുല്‍ഖര്‍ സല്‍മാനും നിവിന്‍ പോളിയും നസ്രിയായും ഫഹദ് ഫാസിലും നിത്യമേനോനും പാര്‍വതി തിരുവോത്തും തകര്‍ത്തഭിനയിച്ച ചിത്രമായിരുന്നു ‘ബാoഗ്ലൂര്‍ ഡേയ്സ്’.

മഹിമ- ഷെയ്ൻ മൂവി ‘ലിറ്റിൽ ഹെർട്സ്’ ജൂൺ ഏഴിന് തിയ്യേറ്ററുകളിൽ

0
പ്രേക്ഷകർക്കിടയിൽ ജനപ്രിയത നേടിയ ആർ ഡി  എക്സിന് ശേഷം മഹിമയും ഷെയ്ൻ നിഗവും ഒന്നിക്കുന്ന  പുതിയ ചിത്രം ‘ലിറ്റിൽ ഹെർട്സ്’ ജൂൺ ഏഴിന് തിയ്യേറ്ററുകളിൽ പ്രദർശനത്തിന് എത്തും