നവാഗതനായ വിനിൽ സ്കറിയ വർഗീസ് തിരക്കഥ എഴുതി സംവിധാനം ചെയ്ത് കാളിദാസ് ജയറാം നായകനായി എത്തുന്ന ചിത്രം ‘രജനി’ യുടെ ടീസർ പുറത്തിറങ്ങി. ഡിസംബർ 8 ന് ചിത്രം തിയ്യേറ്ററുകളിലേക്ക് എത്തും. കാളിദാസ് ണായക വേഷത്തിലെത്തുന്ന ഇൻവെസ്റ്റിഗേറ്റിവ് ക്രൈം ത്രില്ലർ മൂവിയാണ് രജനി. നവരസ ഗ്രൂപ്പ് നവരസ ഫിലിംസിന്റെ ബാനറിൽ ആദ്യമായി നിർമ്മിക്കുന്ന ചിത്രം കൂടിയാണ് രജനി. ശ്രീജിത്ത് കെ എസ്, ബ്ലെസ്സി ശ്രീജിത്ത് തുടങ്ങിയവരാണ് ചിത്രം നിർമ്മിക്കുന്നത്.
സൈജു കുറുപ്പ്, നമിത പ്രമോദ്, ശ്രീകാന്ത് മുരളി, രമേഷ് ഖന്ന, അശ്വിൻ കുമാർ, ലക്ഷ്മി ഗോപാല സ്വാമി, ഷോൺ റോമി, റെബ മോണിക്ക ജോൺ, വിൻസന്റ് വടക്കൻ, കരുണാകരൻ, പൂ രാമു, ഷോൺ റോമി തുടങ്ങിയവരാണ് ചിത്രത്തിലെ പ്രധാന അഭിനേതാക്കൾ. സിനിമയുടെ ചിത്രീകരണം ചെന്നൈ, കൊച്ചി എന്നിവിടങ്ങളിൽ പൂർത്തിയാക്കി. മലയാളത്തിലും തമിഴിലുമാണ് ചിത്രം എത്തുക. എഡിറ്റിങ് ദീപു ജോസഫ്, സംഗീതം 4 മ്യൂസിക്, ഛായാഗ്രഹണം ആർ. ആർ വിഷ്ണു, എഡിറ്റിങ് ദീപു ജോസഫ്.
