2022- കേരള സംസ്ഥാന ചലച്ചിത്ര അവാര്‍ഡ് ജൂലൈ 19 നു രാവിലെ 11 മണിക്ക് സാംസ്കാരിക വകുപ്പ് മന്ത്രി സജി ചെറിയാന്‍ പ്രഖ്യാപിക്കും. സിനിമകളുടെ എണ്ണം കൂടുതലായതിനാല്‍ ത്രിതല ജൂറിയാണ് അവാര്‍ഡ് നിര്‍ണയം നടത്തുക( Kerala State Filim Awards 2022 Will Announce Wednesday). 154 ചിത്രങ്ങളാണ് ഇത്തവണ മത്സരത്തിനായി എത്തിയിട്ടുള്ളത്. എഴുത്തുകാരനായ വി ജെ ജയിംസ്, കലാസംവിധായകന്‍ റോയ് പി തോമസ്, ഡോ. കെ എം ഷീബ എന്നിവര്‍ ഉള്‍പ്പെട്ടിട്ടുള്ള ഒന്നാം സമിതിയില്‍ സംവിധായകനും കലാസംവിധായകനും ചിത്രകാരനുമായ നേമം പുഷ്പരാജാണ് ചെയര്‍മാന്‍.
സംവിധായകന്‍ കെ എം മധുസൂദനന്‍ ചെയര്‍മാനായ രണ്ടാമത്തെ സമിതിയില്‍ നിര്‍മാതാവ് ബി കെ രാകേഷ്, സംവിധായകരായ സജാസ് റഹ്മാന്‍, വിനോദ് സുകുമാരന്‍ തുടങ്ങിയവര്‍ അംഗങ്ങളായി എത്തുന്നു. ബംഗാളി സംവിധായകനും നടനുമായ ഗൌതംഘോഷ് ചെയര്‍മാനായ അന്തിമ ജൂറിയില്‍ ഛായാഗ്രാഹകന്‍ ഹരി നായര്‍, സൌണ്ട് ഡിസൈനര്‍ ഡി. യുവരാജ്, നടി ഗൌതമി, പിന്നണി ഗായിക ജെന്‍സി ഗ്രിഗറി തുടങ്ങിയവരും ഉപസമിതി ചെയര്‍മാന്‍മാരും ഉള്‍പ്പെടുന്നു.
ഇത്തവണ മല്‍സരിക്കുന്ന സിനിമകളില്‍ 77 വീതം ചിത്രങ്ങള്‍ നേമം പുഷ്പരാജും കെ എം മധുസൂദനനും അദ്ധ്യക്ഷന്‍മാരായ പ്രാഥമിക വിധിനിര്‍ണയ സമിതിയും കാണും. ഇതില്‍ നിന്ന് 30 ശതമാനം ചിത്രങ്ങളാകും അന്തിമ ജൂറിയുടെ പരിഗണനയ്ക്കു വിടുക.
