ചാവേർ കാണാം ഇനി മുതൽ ഒ ടി ടി യിൽ

കുഞ്ചാക്കോ ബോബനും ടിനു പാപ്പച്ചനും  പ്രധാന വേഷത്തിലെത്തിയ ചിത്രം ചാവേർ തിയ്യേറ്റർ പ്രദർശനത്തിന് ശേഷം ഇനിമുതൽ ഒ ടി ടിയിൽ കാണാം. സോണി ലൈവിലൂടെയാണ് ചാവേറിന്റെ സംപ്രേക്ഷണം. രാഷ്ട്രീയ പ്രവർത്തിന് കൊല്ലാനും ചാവനും വേണ്ടി തയ്യാറുള്ള ചെറുപ്പക്കാരുടെ ജീവിത കഥ പറയുന്ന ചിത്രമാണ് ചാവേർ. തികച്ചും വ്യത്യസ്തമായ ദൃശ്യാനുഭവമായിരുന്നു തിയ്യേറ്ററിലൂടെ ചാവേർ കണ്ട പ്രേക്ഷകർക്ക് ലഭിച്ചത്. കുഞ്ചാക്കോ ബോബൻ, ആൻറണി വർഗീസ്, അർജുൻ അശോകൻ, മനോജ് കെ യു തുടങ്ങിയവരായിരുന്നു ചിത്രത്തിൽ അഭിനയിച്ചത്. കണ്ണൂർ പശ്ചാത്തലമാക്കി സംവിധാനം ചെയ്ത ചിത്രത്തിന്റെ തിരക്കഥ നടനും സംവിധായകനുമായ ജോയ് മാത്യുവിന്റേത് ആയിരുന്നു. കാവ്യ ഫിലിം കമ്പനി, അരുൺ നാരായൺ പ്രൊഡക്ഷൻസ് എന്നീ ബാനറുകളിൽ വേണു കുന്നപ്പിള്ളി, അരുൺ നാരായൺ, തുടങ്ങിയവരാണ് ചിത്രം നിർമ്മിച്ചത്. ഛായാഗ്രഹണം ജിന്റോ ജോർജ്ജ്, ആൻറണി, എഡിറ്റിങ് നിഷാദ് യൂസഫും സംഗീതം ജസ്റ്റീൻ വർഗീസ്.