കുടുംബ ബന്ധങ്ങൾക്ക് പ്രാധാന്യം നല്കുന്ന കോമഡി എന്റർടൈമെന്റ് മൂവി അയ്യർ ഇൻ അറേബ്യ ജി സി സിയിലേക്ക് ഫെബ്രുവരി 9 ന് റിലീസ് ചെയ്യുമെന്ന് സിനിമയുടെ അണിയറ പ്രവർത്തകർ അറിയിച്ചു. ഫെബ്രുവരി രണ്ടിനാണ് കേരളത്തിലെ തിയ്യേറ്ററുകളിലേക്ക് ചിത്രം പ്രദർശനത്തിന് എത്തിയത്. മുകേഷ്, ഉർവശി, ധ്യാൻ ശ്രീനിവാസൻ, ദുർഗ്ഗ കൃഷ്ണ, ഷൈൻ ടോം ചാക്കോ, ഡയാന ഹമീദ് തുടങ്ങിയവരാണ് പ്രധാന കഥാപാത്രങ്ങളായി എത്തുന്നത്. രണ്ടാം വാരത്തിലേക്ക് കടക്കുന്ന വേളയിൽ മികച്ച പ്രതികരണമാണ് പ്രേക്ഷകരുടെ ഭാഗത്ത് നിന്നുണ്ടായിരിക്കുന്നത്.
എം എ നിഷാദ് തിരക്കഥയും സംവിധാനവും നിർവഹിച്ച ചിത്രത്തിൽ മണിയൻ പിള്ള രാജു, സുധീർ കരമന, ഉമ നായർ, കൈലാഷ്, സിനോജ് സിദ്ദിഖ്, രശ്മി അനിൽ, ജാഫർ ഇടുക്കി, സോഹൻ സീനുലാൽ, നാൻസി, സൌമ്യ, ബിന്ദു പ്രദീപ്, ശ്രീലത നമ്പൂതിരി, ഉല്ലാസ് പന്തളം, തുടങ്ങിയവർ ആണ് അഭിനയിച്ചിട്ടുള്ളത്. വെൽത്ത് ഐ പ്രൊഡക്ഷൻസിന്റെ ബാനറിൽ വിഘ്നേഷ് വിജയകുമാർ ആണ് ചിത്രം നിർമ്മിച്ചത്. ഛായാഗ്രഹണം സിദ്ധാർഥ് രാമസ്വാമിയും വിവേക് മേനോനും, സംഗീതം ആനന്ദ് മധുസൂദനനും, എഡിറ്റിങ് ജോൺകുട്ടിയും നിർവഹിച്ചു.
