ജയസൂര്യയെ നായകനാക്കി റോജിൻ തോമസ് സംവിധാനം ചെയ്യുന്ന ചിത്രം ‘കത്തനാരി’ൽ ഇനി പ്രധാന കഥാപാത്രമായി പ്രഭുദേവയും എത്തും. ശ്രീ ഗോകുലം ഗോപാലൻ നിർമ്മിക്കുന്ന ചിത്രമാണ് കത്തനാര്. 2011- ൽ പുറത്തിറങ്ങിയ ‘ഉറുമി’യാണ് ഒടുവിൽ പുറത്തിറങ്ങിയ പ്രഭുദേവ അഭിനയിച്ച ചിത്രം. ചിത്രത്തിന്റെ ഭാഗമായി സെറ്റിൽ വന്ന പ്രഭുദേവയെ ചിത്രത്തിന്റെ അണിയറപ്രവർത്തകർ ഹൃദ്യമായ സ്വീകരണമാണ് നല്കിയത്.
കഴിഞ്ഞ ദിവസം ചിത്രത്തിലേക്ക് അനുഷ്ക ഷെട്ടിയും ജോയിൻ ചെയ്തിരുന്നു. അനുഷ്ക ഷെട്ടിയുടെ മലയാളത്തിലെ ആദ്യ സിനിമയാണ് കത്തനാർ. മുപ്പതിലേറെ ഭാഷകളിലേക്ക് റിലീസ് ചെയ്യുന്ന സിനിമ എന്ന പ്രത്യേകത കൂടിയുണ്ട് കത്താർക്ക്. രണ്ട് ഭാഗങ്ങളിലായി ആണ് ചിത്രമെത്തുക.2024 ൽ സിനിമയുടെ ആദ്യ ഭാഗം ചെയ്യും. ആർ. രാമാനന്ദന്റെതാണ് കഥ. ഛായാഗ്രഹണം നീൽ ഡി കൂഞ്ഞ, സംഗീതം രാഹുൽ സുബ്രഹ്മണ്യൻ.
