പ്രേക്ഷകര്‍ ആകാംക്ഷയോടെ കാത്തിരിക്കുന്ന ഫാമിലി എന്‍റര്‍ ടൈമെന്‍റ് ചിത്രം ‘ഇമ്പം’ പ്രേക്ഷകരിലേക്ക് എത്തുന്നു. ലാലു അലക്സും ദീപക് പറമ്പോലും പ്രധാന വേഷത്തില്‍ എത്തുന്ന ഈ ചിത്രം ഒക്ടോബര്‍ ആദ്യ വാരത്തില്‍ തിയ്യേറ്ററുകളിലേക്ക് എത്തും. ചിത്രത്തിലെ ‘മായികാ മധുനിലാ…’ എന്ന ഗാനം ഇയ്യിടെ പ്രേക്ഷക ശ്രദ്ധ നേടിയിരുന്നു. ബ്രോ ഡാഡിയിലെ അഭിനയത്തിനു ശേഷം ലാലു അലക്സ് പ്രധാന വേഷത്തില്‍ എത്തുന്ന ചിത്രം കൂടിയാണ് ഇമ്പം. ശബ്ദം എന്ന പബ്ലിഷര്‍ ഹൌസ് നടത്തിക്കൊണ്ട് പോകുന്ന കരുണാകരന്‍റെയും അവിചാരിതമായി അവിടെക്കു കടന്നെത്തുന്ന കാര്‍ട്ടൂണിസ്റ്റായ നിതിന്‍ എന്ന ചെറുപ്പക്കാരന്‍റെയും ജീവിതകഥ പറയുന്ന ചിത്രമാണ് ഇമ്പം.
ശ്രീജിത്ത് ചന്ദ്രന്‍ തിരക്കഥയെഴുതി സംവിധാനം ചെയ്ത് സിനിമാസിന്‍റെ ബാനറില്‍ ഡോ മാത്യു മാമ്പ്ര നിര്‍മ്മിക്കുന്ന ചിത്രത്തില്‍ മീരാവാസുദേവ്, ദര്‍ശന സുദര്‍ശന്‍, ദിവ്യ എം നായര്‍, നവാസ് വള്ളിക്കുന്ന്, ഇര്‍ഷാദ്, മാത്യു മാമ്പ്ര, ജിലൂ ജോസഫ്, കലേഷ് രാമാനന്ദ്, വിജയന്‍ കാരന്തൂര്‍, ഐ വി ജുനൈസ്, സംവിധായകരയ ലാല്‍ജോസ്, ബോബന്‍ സാമുവല്‍ തുടങ്ങിയവരും അഭിനയിക്കുന്നു. മുഴുനീള ഫാമിലി എന്‍റര്‍ടൈമെന്‍റ് ചിത്രമാണ് ഇമ്പം. അപര്‍ണ ബാലമുരളി, സിതാര കൃഷ്ണകുമാര്‍, ശ്രീകാന്ത് ഹരിഹരന്‍, തുടങ്ങിയവരാണ് ചിത്രത്തില്‍ പാട്ടുകള്‍ പാടിയിരിക്കുന്നത്. ഛായാഗ്രഹണം നിജയ് ജയല്‍, എഡിറ്റിങ് കുര്യാക്കോസ്, ഫ്രാന്‍സിസ് കുടശ്ശേരില്‍. സംഗീതം പി എസ് ജയഹരി. ഗാനരചന വിനായക് ശശികുമാര്‍.
