Friday, April 4, 2025

തിരൂരിന്‍റെ വാനമ്പാടി അസ്മ കൂട്ടായി അന്തരിച്ചു

തേനൂറും മാപ്പിളപ്പാട്ടുകളുടെ ഇശല്‍ഗായിക അസ്മ കൂട്ടായി അന്തരിച്ചു. 51- വയസ്സായിരുന്നു. പ്രവാസലോകത്തെയും മലയാളികളുടെയും പ്രിയ ഗായികയുടെ വേര്‍പാടിലാണ് ആസ്വാദകര്‍. മാപ്പിളപ്പാട്ട് ഗായിക വിളയില്‍ ഫസീലയുടെ വേര്‍പാട് മായും മുന്നെയാണ് അസ്മ കൂട്ടായിയുടെ മരണവാര്‍ത്ത പ്രിയപ്പെട്ടവരെ സങ്കടക്കടലിലേക്ക് ആഴ്ത്തിയത്. നാലുപതിറ്റാണ്ടുകളോളം മാപ്പിളപ്പാട്ടിന്‍റെ ലോകത്ത് നിറസാന്നിദ്ധ്യമായിരുന്നു അസ്മ കൂട്ടായി. മലപ്പുറം തിരൂര്‍ സ്വദേശിനിയാണ് അസ്മ. നിരവധി തവണ കേരളത്തിലും വിദേശത്തുമായി പരിപാടികള്‍ അവതരിപ്പിച്ചിട്ടുണ്ട്. വര്‍ഷങ്ങളോളം ഖത്തറില്‍ കുടുംബസമേതമായിരുന്നു താമസം. ഏറെ നാളായി തൃശ്ശൂരില്‍ ചികില്‍സയിലായിരുന്നു. തബലിസ്റ്റായ ബാവ എന്ന മുഹമ്മദലിയാണ് ഭര്‍ത്താവ്. മാപ്പിള കല അക്കാദമി പുരസ്കാരം നേടിയിട്ടുണ്ട്. ദുബായില്‍ അസ്മ അവസാനമായി 2022 ജൂലൈ 8 നാണ്  പാടുന്നത്.

അഞ്ചാം വയസ്സില്‍ മാപ്പിളപ്പാട്ട് രംഗത്തേക്ക് കടന്നു വന്നു. പിതാവ് ഖാദര്‍ ഭായി ഗായകനും തബലിസ്റ്റും മാതാവ് ആമിന ബീവി ഗായികയുമായിരുന്നു. കെ എം ബാപ്പുട്ടി, കെ എം ബവുട്ടി, കെ എം മുഹമ്മദ് കുട്ടി, കെ എം അബൂബക്കര്‍ തുടങ്ങിയ സംഗീത പാരമ്പര്യമുള്ള പിന്‍തലമുറ ആസ്മയുടെ സംഗീതത്തിന് സ്വധീനം ചെലുത്തി. മാതൃസഹോദരിയും ഹാര്‍മോണിസ്റ്റുമായ കെ എം സുബൈദയുടെ ശിഷ്യയായിരുന്നു അസ്മ. നിരവധി ഗായകര്‍ക്കൊപ്പം വേദികള്‍ പങ്കിട്ടു. ഒ എം കരുവാരക്കുണ്ട് രചിച്ചു കോഴിക്കോട് അബൂബക്കര്‍ ഈണം പകര്‍ന്ന പാട്ടുകളും അസ്മ പാടി. നാല്പതാം വര്‍ഷികത്തില്‍ ജന്‍മനാട് ആദരിച്ചു. ലവ് എഫ് എം എന്ന ചിത്രത്തില്‍ അഭിനയിച്ചതും പാട്ട് പാടിയതും ശ്രദ്ധേയമായിരുന്നു. മകള്‍ ഷംന ഗായികയും തബലിസ്റ്റുമാണ്.

spot_img

Hot Topics

Related Articles

Also Read

ചിത്രീകരണം പൂർത്തിയാക്കി മമ്മൂട്ടി നായകനായ ‘ബസൂക്ക’

0
90 ദിവസത്തിനൊടുവിൽ ഗെയിം ത്രില്ലർ ചിത്രം ബസൂക്കയുടെ ചിത്രീകരണം പൂർത്തിയായി. മമ്മൂട്ടി നായകനായി എത്തുന്ന ചിത്രത്തിന്റെ തിരക്കഥയും സംവിധാനവും നിർവഹിച്ചത് ഡിനോ ഡെന്നീസ് ആണ്.

സീരിയല്‍ സംവിധായകന്‍ ആദിത്യന്‍ അന്തരിച്ചു

0
സാന്ത്വനം, വാനമ്പാടി, ആകാശദൂത് എന്നീ ശ്രദ്ധേയ സീരിയലുകള്‍ സംവിധാനം ചെയ്ത ആദിത്യന്‍ അന്തരിച്ചു. 47 വയസ്സായിരുന്നു. ഹൃദയാഘാതത്തെ തുടര്‍ന്നു തിരുവനന്തപുരത്തുള്ള സ്വകാര്യ ആശുപത്രിയില്‍ വെച്ചായിരുന്നു അന്ത്യം.

ടൊവിനോ- സൌബിൻ ഷാഹിർ ചിത്രം ‘നടികർ തിലകം’ ചിത്രീകരണം പൂർത്തിയായി

0
ലാൽ ജൂനിയർ സംവിധാനം ചെയ്ത് ടൊവിനോ തോമസും സൌബിൻ ഷാഹീറും പ്രധാന വേഷത്തിലെത്തുന്ന ചിത്രം ‘നടികർ തിലകം’ ചിത്രീകരണം പൂർത്തിയായി.

പ്രശസ്ത ഗസൽ ഗായകൻ ഹരിഹരൻ നായകനായി എത്തുന്ന ഫസ്റ്റ് ലുക്ക് പോസ്റ്ററുമായി ‘ദയാ ഭാരതി’

0
അയോധ്യ ടെമ്പിൽ ട്രസ്റ്റിന് വേണ്ടി പ്രിയദർശൻ സംവിധാനം ചെയ്യുന്ന ഡോക്യുമെന്ററി ചിത്രം ദയ ഭാരതിയുടെ ഫസ്റ്റ് ലുക്ക് പോസ്റ്റർ പുറത്തിറങ്ങി. ചിത്രത്തിൽ ദക്ഷിണേന്ത്യയിലെ പ്രശസ്ത ഗസൽ ഗായകൻ ഹരിഹരനാണ് നായകനായി എത്തുന്നത്.

വൃദ്ധസദനത്തിന്റെ പശ്ചാത്തലത്തിൽ ഒരു പ്രണയ കഥ- ട്രയിലറുമായി ‘ജനനം 1947: പ്രണയം തുടരുന്നു’

0
40 വർഷം ജൂനിയർ ആർട്ടിസ്റ്റായി മലയാള സിനിമയിലുള്ള കോഴിക്കോട് ജയരാജിന്റെ ആദ്യ നായക വേഷമാണ് ചിത്രത്തിൽ. തമിഴിലെ പ്രശസ്ത നടിയും നർത്തകിയുമായ പത്മശ്രീ ലീല സാംസൺ നായികയായി എത്തുന്നു.