Thursday, April 3, 2025

ദാദാ സാഹിബ് ഫാല്‍ക്കെ ഇന്‍റര്‍ നാഷണല്‍ ഫിലിം ഫെസ്റ്റിവല്‍; ‘ദ സീക്രട്ട് ഓഫ് വിമണി’ലൂടെ  മികച്ച നടിയായി സുമാ ദേവി

ഡൽഹിയിൽ നടന്ന പതിമൂന്നാമത് ദാദാ സാഹിബ് ഫാൽക്കെ ഇന്റർനാഷണൽ ഫിലിം ഫെസ്റ്റിവലില്‍ പ്രജേഷ് സെന്‍ തിരക്കഥയും സംവിധാനവും ചെയ്ത ‘ദ സീക്രട്ട് ഓഫ് വിമണി’ലൂടെ മികച്ച നടിയായി സുമാ ദേവി പുരസ്കാരത്തിനര്‍ഹയായി. പതിനഞ്ചു വര്‍ഷത്തോളം സിനിമയില്‍ ഡ്യൂപ്പായി വേഷങ്ങള്‍ ചെയ്തു പോന്നിരുന്ന സുമാ ദേവി ആദ്യമായാണ് ഒരു സിനിമയില്‍ മുഴുനീള കഥാപാത്രത്തെ അവതരിപ്പിച്ചിരിക്കുന്നത്. രണ്ടു സ്ത്രീകളുടെ ജീവിതകഥ പറയുന്ന ഈ ചിത്രത്തില്‍ സുമാ ദേവിയുടേത് തുരുത്തില്‍ ഒറ്റയ്ക്ക് താമസിക്കുന്ന ധീരയായ സ്ത്രീയുടെ കഥാപാത്രമായിരുന്നു. ഉമാ ദേവിയുടെ അഭിനയം മികച്ച നിലവാരം പുലര്‍ത്തിയെന്ന് ജൂറി അഭിപ്രായപ്പെട്ടു.

ഡ്യൂപ്പ് വേഷങ്ങളില്‍ നിന്നും മാറി ആദ്യമായി ഒരു ചിത്രത്തില്‍ നായികയായി എത്താന്‍ കഴിഞ്ഞതിനും അതിലൂടെ മികച്ച നടിക്കുള്ള പുരസ്കാരം ലഭിച്ചതിനും ഏറെ സന്തോഷമുണ്ടെന്ന് സുമാ ദേവി പ്രതികരിച്ചു. തൃശ്ശൂര്‍ സ്വദേശിയായ സുമാ ദേവി വര്‍ഷങ്ങളായി സ്റ്റണ്ട് മാസ്റ്റര്‍ മാഫിയാ ശശിയുടെ അസിസ്റ്റണ്ടായിരുന്നു. സ്വാഭാവികമായ അഭിനയ ശൈലിയാണ് സുമാ ദേവിയുടെ പ്രത്യേകത എന്നു ചിത്രത്തിന്‍റെ സംവിധായകന്‍ പ്രജേഷ് സെന്‍ വ്യക്തമാക്കി.

മികച്ച നടനുള്ള പുരസ്കാരം നിര്‍മല്‍ കലിതാ സംവിധാനം ചെയ്ത ‘ബ്രോക്കന്‍ സോളി’ലെ ആക്ഷെന്ദ്ര ദാസ് സ്വന്തമാക്കി. അര്‍മേനിയന്‍ ചിത്രമായ ‘ദ സ്പ്രിംഗ്’ ആണ് മേളയിലെ മികച്ച ചിത്രമായി തിരഞ്ഞെടുത്തത്. ‘സീതാരാമ’ത്തിന് പ്രത്യേക ജൂറി പുരസ്കാരം ലഭിച്ചു. മികച്ച സംവിധായകനായി ‘777 ചാര്‍ളി’യുടെ കിരണ്‍ രാജും മികച്ച പുതുമുഖ സംവിധായകനായി ചൈനീസ് ചിത്രമായ ‘റ്റില്‍ ലവ് ഡു അസ് പാട്ടി’ന്‍റെ സംവിധായകന്‍ റാന്‍ ലീയും മികച്ച തിരക്കഥയ്ക്ക് ബംഗ്ലാദേശ് ചിത്രമായ ‘ദി സെവനും’ കരസ്ഥമാക്കി.

spot_img

Hot Topics

Related Articles

Also Read

‘രേഖാചിത്രം’ ജനുവരി 9- ന് തിയ്യേറ്ററുകളിൽ പ്രദർശനത്തിന്

0
ആസിഫ് അലി നായകനായി എത്തുന്ന ഏറ്റവും പുതിയ മൂവി രേഖാചിത്രം ജനുവേരി 9- ന് തിയ്യേറ്ററുകളിൽ പ്രദർശനത്തിന് എത്തും. അനശ്വര രാജൻ ആണ് ചിത്രത്തിൽ നായികയായി എത്തുന്നത്. ‘കിഷ്കിന്ധാകാണ്ഡ’ത്തിന്റെ വിജയത്തിന് ശേഷം ആസിഫ്അലി...

ബാംഗ്ലൂര്‍ ഡേയ്സ് റീമേക് യാരിയാന്‍ 2; ടീസര്‍ പുറത്തിറങ്ങി

0
2014- ല്‍ അഞ്ജലി മേനോന്‍ സംവിധാനം ചെയ്ത ചിത്രം ബാംഗ്ലൂര്‍ ഡേയ് സിന്‍റെ ഹിന്ദി റീമേക് വരുന്നു. 2014- ലെ തന്നെ യാരിയാന്‍ ചിത്രത്തിന്‍റെ രണ്ടാം ഭാഗം എന്ന നിലയിലാണ് ചിത്രത്തിന്‍റെ ടീസര്‍ പുറത്തു വിട്ടത്.

69- മത് ദേശീയ പുരസ്കാര പ്രഖ്യാപനം വ്യാഴായ്ച അഞ്ചുമണിക്ക്

0
69- മത് ദേശീയ ചലച്ചിത്ര പുരസ്കാരം വ്യാഴായ്ച അഞ്ചുമണിക്ക് ഡെല്‍ഹിയില്‍ നടക്കുന്ന വാര്‍ത്താസമ്മേളനത്തില്‍ വെച്ച് പ്രഖ്യാപിക്കും.

നടിയും നർത്തകിയുമായ  ബേബി ഗിരിജ അന്തരിച്ചു

0
ജീവിത നൌക എന്ന ചിത്രത്തിലെ ‘ആനത്തലയോളം വെണ്ണതരാം..’ എന്ന പാട്ടു രംഗത്തിലഭിനയിച്ചു ശ്രദ്ധേയയായ നർത്തകിയും നടിയുമായ ബേബി ഗിരിജ എന്ന പി പി ഗിരിജ അന്തരിച്ചു. 83- വയസ്സായിരുന്നു.

പ്രേക്ഷക മനംകവര്‍ന്ന് ‘പ്രാവി’ലെ ‘ഒരു കാറ്റു പാതയില്‍’ റിലീസ്

0
ബി കെ ഹരിനാരായണന്‍റ വരികള്‍ക്ക് ബിജിപാല്‍ ഈണമിട്ട ‘ഒരു കാറ്റു പാതയില്‍’ എന്ന മനോഹര ഗാനം ആലപിച്ചിരിക്കുന്നത് യാമി സോനയും ആദര്‍ശ്  രാജയും ചേര്‍ന്നാണ്.