മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ നിർമ്മിച്ച് ബിന്റോ സ്റ്റീഫൻ സംവിധാനം ചെയ്യുന്ന ഏറ്റവും പുതിയ ചിത്രത്തിന്റെ പൂജയും സ്വിച്ചോൺ കർമ്മവും നടന്നു. ദിലീപ് ആണ് ചിത്രത്തിൽ നായകനായി എത്തുന്നത്. നടക്കാവിൽ വെച്ചാണ് ചടങ്ങുകൾ നിർവഹിച്ചത്. ദിലീപിന്റെ 150- മത്തെ ചിത്രമാണിത്. ബി ഉണ്ണികൃഷ്ണൻ, ജിബു ജേക്കബ്, എംരഞ്ജിത്, സിദ്ദിഖ്, ഷീലു അബ്രഹാം, അനിൽ തോമസ്, ജോർജ്ജ് സെബാസ്റ്റ്യൻ, സിയാദ് കോക്കർ, തുടങ്ങിയവർ ചടങ്ങിൽ പങ്കെടുത്തു.
ലിസ്റ്റിൻ സ്റ്റീഫൻ നിർമ്മിച്ച ജനഗണമന, മലയാളി ഫ്രം ഇന്ത്യ എന്നീ ചിത്രങ്ങള് ഇതിനോടകം ശ്രദ്ധ നേടിക്കഴിഞ്ഞിരുന്നു. ഷാരിസ് മുഹമ്മദ് ആണ് രചന നിർവഹിക്കുന്നത്. ഒരു കുടുംബചിത്രം കൂടിയായിരിക്കും ഇത്. ബിന്ദു പണിക്കർ, മഞ്ജു പിള്ള, ധ്യാൻ ശ്രീനിവാസൻ, ജോസ് കുട്ടി, ജോണി ആൻറണി തുടങ്ങിയവർ ചിത്രത്തിൽ മറ്റ് കഥാപാത്രങ്ങളായി എത്തുന്നു. സംഗീതം സനൽ ദേവ്, ഛായാഗ്രഹണം രൺ ദീവ.
