ആർട്ട് ക്രിയേഷൻസിന്റെ ബാനറിൽ ധ്യാൻ ശ്രീനിവാസനെ നായകനാക്കി ബിനുരാജ് സംവിധാനം ചെയ്യുന്ന ഏറ്റവും പുതിയ ഫാമിലി എന്റർടൈനർമൂവിയുടെ ചിത്രീകരണം വടകരയിലെ ഒഞ്ചിയത്ത് ആരംഭിച്ചു. ചിത്രത്തിന്റെ പൂജ കർമ്മങ്ങളും ഇതിനോടനുബന്ധിച്ച് നടന്നു. അഭിനേതാക്കളും മറ്റ് അണിയറ പ്രവർത്തകരും ചടങ്ങിൽ പങ്കെടുത്തു. ബിസിനസുകാരനായ അരവിന്ദ് വിക്രം ആണ് സ്വിച്ചോൺ കർമ്മം നിർവഹിച്ചത്. ചിത്രത്തിന്റെ തിരക്കഥകൃത്ത് സനു അശോകന്റെ അമ്മ രോഹിണി ഭദ്രദീപം കൊളുത്തി.
ഉയർന്ന വിദ്യാഭ്യാസ യോഗ്യതയുണ്ടായിട്ടും തൊഴിൽ രഹിതനായ നന്ദൻ നാരായൺ എന്ന യുവാവിന്റെ ജീവിതകഥയാണ് പ്രമേയം. മാളവിക മേനോൻ, ദിൽന തുടങ്ങിയവർ നായികമാരായി എത്തുന്നു. ധർമ്മജൻ ബോൾഗാട്ടി, സുധീർ പറവൂർ, വിജയകുമാർ, ദിനേശ് പണിക്കർ, ദിലീപ് മേനോൻ, നാരായണൻ നായർ, കിരൺ കുമാർ, അംബിക മോഹൻ, സംവിധായകൻ മനു സുധാകർ, രാജേഷ് കേശവ്, ആനന്ദ്, സലീം ഹസൻ, രാജ് കപൂർ, സോഹൻ സീനുലാൽ, തുടങ്ങിയവർ പ്രധാന കഥാപാത്രങ്ങളായി എത്തുന്നു. തിരക്കഥ സനു അശോകൻ, ഛായാഗ്രഹണം പവി കെ പവൻ, എഡിറ്റിങ് ജിതിൻ, വരികൾ കൈതപ്രം, ഹസീന, സംഗീതം ബോണി- ടാൻസൻ.
