മാക്ട ലെജെൻറ് ഓണർ പുരസ്കാരം കവിയും ഗാനരചയിതാവുമായ ശ്രീകുമാരൻ തമ്പിക്ക്

ഗാനരചയിതാവും കവിയുമായ ശ്രീകുമാരൻ തമ്പിക്ക് മാക്ട ലെജെൻറ് ഓണർ പുരസ്കാരം ലഭിച്ചു. ചലച്ചിത്ര മേഖലയിലെ മികച്ച കഴിവ് കാഴ്ച വെക്കുന്ന പ്രതിഭകൾക്കായി  മൂന്നു വർഷത്തിലൊരിക്കൽ നല്കുന്ന പുരസ്കാരമാണിത്. ഒരു ലക്ഷം രൂപയും പ്രശസ്തി പത്രവും അടങ്ങുന്നതാണ് പുരസ്കാരം. സംവിധായകൻ സിബി മലയിൽ ചെയർമാനും തിരക്കഥകൃത്ത് എസ് എന്ന സ്വാമി, സംഗീത സംവിധായകൻ വിദ്യാധരന് എന്നിവർ അംഗങ്ങളായ ജൂറി ആണ് അവാർഡ് പ്രഖ്യാപിച്ചത്. സിബിമലയിൽ ആണ് പ്രഖ്യാപനം നടത്തിയത്. സെപ്തംബർ ആദ്യം കൊച്ചിയിൽ വെച്ച് നടക്കുന്ന MACTA  യുടെ മുപ്പതാം വാർഷിക ആഘോഷച്ചടങ്ങിൽ വെച്ച് പുരസ്കാരം സമർപ്പിക്കും.