പ്രശസ്ത മാപ്പിളപ്പാട്ട് ഗായിക വിളയില്‍ ഫസീല അന്തരിച്ചു. 63 വയസ്സായിരുന്നു. കോഴിക്കോടുള്ള വെളിപ്പറമ്പിലെ വീട്ടില്‍ വെച്ചായിരുന്നു അന്ത്യം. പരേതനായ മാപ്പിളപ്പാട്ട് ഗായകന്‍ വി എം കുട്ടിയാണ് മാപ്പിളപ്പാട്ടിലേക്ക് ഇവരെ കൊണ്ട് വരുന്നത്. വിളയില്‍ വല്‍സല ആയിരുന്ന ഇവര്‍ ഇസ്ലാം മതം സ്വീകരിച്ച് വിളയില്‍ ഫസീല എന്ന പേര്‍ സ്വീകരിക്കുകയായിരുന്നു.
സിനിമയില്‍ ആദ്യമായി ഗായികയായി അരങ്ങേറ്റം കുറിക്കുന്നത് എം എസ് വിശ്വനാഥന്‍റെ സംഗീതത്തില്‍ ‘മുഹമ്മദ് മുസ്തഫ’ എന്ന ചിത്രത്തിലെ പി ടി അബ്ദുറഹ്മാന്‍ രചിച്ച ‘അഹദവനായ പെരിയോനെ’ എന്ന ഗാനം പാടിക്കൊണ്ടായിരുന്നു. കേരള മാപ്പിള കലാ അക്കാദമിയുടെ ലൈഫ് ടൈം അച്ചീവ്മെന്‍റ് അവാര്‍ഡ്, ഫോക് ലോര്‍ അക്കാദമി ലൈഫ് അച്ചീവ്മെന്‍റ് അവാര്‍ഡ്, മാപ്പിള കലാരത്നം അവാര്‍ഡ് എന്നിവ ലഭിച്ചിടുണ്ട്. വിളവില്‍ ഫസീല പാടിയ പാട്ടുകള്‍ ശ്രദ്ധേയമായിരുന്നു. ഹസ്ബീ റബ്ബീ ജല്ലല്ലാഹ്, ആകെ ലോക കാരണമുത്തോളി, ഹജ്ജിന്‍റെ രാവില്‍ ഞാന്‍ കഅ്ബം കിനാവ് കണ്ടു, ഉടനെ കഴുത്തെന്‍റെ, ആനെ മദനപ്പൂ, കണ്ണീരില്‍ മുങ്ങി, മണി മഞ്ചലില്‍, പടപ്പു പടപ്പോട്, റഹ്മാനല്ലാ, ഉമ്മുല്‍ ഖുറാവില്‍, യത്തീമീന്ന, മക്കത്ത് പോണോരെ എന്നിവ ഫസീല പാടിയ ഗാനങ്ങളാണ്. പിതാവ്: വിളയില്‍ കേളന്‍, മാതാവ്:
