എഴുവർഷത്തെ നീണ്ട ഇടവേളയ്ക്ക് ശേഷം മേജർ രവി സംവിധായകനായി സിനിമയിലേക്ക് തിരിച്ചെത്തുന്നു. ഓപ്പറേഷൻ രാഹത്ത് എന്നു പേരിട്ടിരിക്കുന്ന ചിത്രത്തിന് തിരക്കഥ ഒരുക്കുന്നത് കൃഷ്ണകുമാർ കെ ആണ്.
പ്രസിഡൻഷ്യൽ മൂവീസ് ഇന്റർനാഷണലിന്റെ ബാനറിൽ ആഷ് ലി മേരി ജോയ് ആണ് നിർമ്മാണം. തെന്നിന്ത്യൻ നടനായ ശരത്കുമാർ ആണ് ചിത്രത്തിൽ പ്രധാനവേഷത്തിൽ എത്തുന്നത്. മലയാളം, തമിഴ്, ഹിന്ദി, തെലുങ്ക്, കന്നഡ, എന്നീ ഭാഷാകളിലായി ചിത്രം റിലീസ് ചെയ്യും. ഛായാഗ്രഹണം അർജുൻ രവി, എഡിറ്റിങ് ഡോൺ മാക്സ്, സംഗീതം രഞ്ജിൻ രാജ്.
