ഉണ്ണി മുകുന്ദൻ നായകനായ മേപ്പടിയാന് ശേഷം വിഷ്ണു മോഹൻ കഥയും സംവിധാനവും നിർവഹിക്കുന്ന ചിത്രം ‘കഥ ഇന്നുവരെ’ ചിത്രീകരണം പൂർത്തിയാക്കി. ചിത്രത്തിൽ പ്രശസ്ത നർത്തകി മേതിൽ ദേവികയും ബിജു മേനോനും പ്രധാന കഥാപാത്രങ്ങളായി എത്തുന്നു. ആലപ്പുഴ, കുമളി, തിരുവനന്തപുരം ഭാഗങ്ങളിലായിരുന്നു ചിത്രീകരണം. മേതിൽ ദേവിക ആദ്യമായി സിനിമയിൽ അഭിനയിക്കുന്ന ചിത്രം കൂടിയാണ് ‘കഥ ഇന്നുവരെ’. കുട്ടിക്കാലത്തെ നിരവധി സിനിമകളിൽ അഭിനയിക്കുവാനുള്ള അവസരം വന്നുവെങ്കിലും അതൊക്കെ നിരസിക്കുകയായിരുന്നു.
ചിത്രത്തിൽ നിഖില വിമൽ, രഞ്ജി പണിക്കർ, സിദ്ദിഖ്, അപ്പുണ്ണി ശശി, അനുശ്രീ, ഹക്കീം ഷാജഹാൻ, കോട്ടയം രമേഷ്, കൃഷ്ണ പ്രസാദ് തുടങ്ങിയവരും ചിത്രത്തിൽ അഭിനയിക്കുന്നുണ്ട്. പ്ലാൻ ജെ സ്റ്റുഡിയോസ് ബാനറിൽ ജോമോൻ ടി ജോണും ഷമീർ മുഹമ്മദും വിഷ്ണു മോഹന്റെ വിഷ്ണു മോഹൻ സ്റ്റോറീസും ഇമാജിൻ സിനിമാസിന്റെ ബാനറിൽ ഹാരിസ് ദേശവും അനീഷ് പി ബിയും ചേർന്നാണ് ചിത്രത്തിന്റെ നിർമാണം. ഛായാഗ്രഹണം ജോമോൻ ടി ജോൺ, എഡിറ്റിങ് ഷമീർ മുഹമ്മദ്, സംഗീതം അശ്വിൻ ആര്യൻ.
