ദൃശ്യം, ദൃശ്യം 2, ട്വെല്‍ത്ത് മാന്‍, റാം എന്നീ ചിത്രങ്ങള്‍ക്ക് ശേഷം മോഹന്‍ലാല്‍- ജിത്തു ജോസഫ് കൂട്ടുകെട്ടില്‍ പുറത്തിറങ്ങുന്ന ‘നേര്’ ചിത്രത്തിന്റെ മോഷന്‍ പോസ്റ്റര്‍ പുറത്തിറങ്ങി. ജിത്തു ജോസഫ്- മോഹന്‍ലാല്‍ കൂട്ടുകെട്ടില്‍ പിറക്കുന്ന ചിത്രങ്ങള്‍ക്ക് വന്‍പ്രതീക്ഷ നല്‍കുകയാണ് ആരാധകര്‍. ആശീര്‍വാദ് സിനിമാസിന്‍റെ ബാനറില്‍ രമേഷ് പി പിള്ളൈയും മിഥുന്‍ എസ് പിള്ളൈയും ചേര്‍ന്ന് നിര്‍മ്മിക്കുന്നു. ‘നേരി’ന്റെ മോഷന്‍ പോസ്റ്റര്‍ പുറത്തിറങ്ങുമ്പോള്‍ മോഹന്‍ലാലിനെ നായകനാക്കി ജിത്തു ജോസഫ് ഒരുക്കുന്ന മറ്റൊരു ചിത്രമായ ‘റാ’മും അണിയറയില്‍ ഒരുങ്ങുകയാണ്. നടന്‍ ആദില്‍ ഹസനും ചിത്രത്തില്‍ മറ്റൊരു പ്രധാന കഥാപാത്രമായി എത്തുന്നു.
കോടതി പശ്ചാത്തലമായി ഒരുങ്ങുന്ന ചിത്രമാണ് നേര്. ജിത്തു ജോസഫും ശാന്തി മായദേവിയും ചേര്‍ന്നാണ് നേരിന് തിരക്കഥ എഴുതുന്നത്. തെന്നിന്ത്യന്‍ സൂപ്പര്‍ താരമായ തൃഷയും ചിത്രത്തില്‍ പ്രധാന കഥാപാത്രമായി എത്തുന്നു. ഛായാഗ്രഹണം സതീഷ് കുറുപ്പ്, വരികള്‍- വിനായക് ശശികുമാര്‍, സംഗീതം- വിഷ്ണു ശ്യാം.
