വെള്ളം സിനിമയിലെ കഥാപാത്രമായ വാട്ടര്‍മാന്‍ മുരളിയുടെ ‘നദികളില്‍ സുന്ദരി യമുന’ യുടെ ടീസര്‍ പുറത്തിറങ്ങി. രസകരമായ നര്‍മമുഹൂര്‍ത്തങ്ങളാല്‍ സമ്പന്നമാണ് ഈ ചിത്രം. നവാഗതരായ വിജേഷ് പനത്തൂരും, ഉണ്ണി വെള്ളോറയും ചേര്‍ന്ന് തിരക്കഥയെഴുതി സംവിധാനം ചെയ്യുന്ന ചിത്രം ‘നദികളില്‍ സുന്ദരി യമുന’ ’സെപ്റ്റംബര്‍ 15 നു തിയ്യേറ്ററുകളിലേക്ക് എത്തുന്നു. ധ്യാന്‍ ശ്രീനിവാസനും അജു വര്‍ഗീസും കേന്ദ്രകഥാപാത്രങ്ങളായി എത്തുന്ന ചിത്രം ഫിലിംസ് എല്‍ എല്‍ പിയുടെ ബാനറില്‍ വിലാസ് കുമാര്‍, സിമി മുരളി കുന്നുംപുറത്ത് തുടങ്ങിയവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
കലാഭവന്‍ ഷാജോണ്‍, രാജേഷ് അഴിക്കോടന്‍, സോഹന്‍ സിനുലാല്‍, കിരണ്‍ രമേഷ്, ആതിര, ആമി, ഉണ്ണിരാജ, പാര്‍വണ, നിര്‍മ്മല്‍ പാലാഴി, സുധീഷ്, ഭാനു പയ്യന്നൂര്‍, വിസ്മയ ശശികുമാര്‍ തുടങ്ങിയവര്‍ ചിത്രത്തില്‍ വേഷമിടുന്നു. ഫൈസല്‍ അലി ഛായാഗ്രഹണവും മനു മഞ്ജിത്തിന്‍റെയും ബി കെ ഹരിനാരായണന്‍റേതുമാണ് വരികള്‍. സംഗീതം- അരുണ്‍ മുരളീധരന്‍.
