റിലീസിനൊരുങ്ങി ‘പട്ടാപ്പകൽ’

ജൂൺ 25 ന് സാജീർ സദഫ്  സംവിധാനം ചെയ്യുന്ന ഏറ്റവും പുതിയ ചിത്രം ‘പട്ടാപ്പകൽ’ തിയ്യേറ്ററുകളിൽ എത്തുന്നു. ‘കോശിച്ചായന്റെ പറമ്പ്’ എന്ന ചിത്രത്തിന് ശേഷം സാജീർ സദഫ്   സംവിധാനം ചെയ്യുന്ന ചിത്രമാണ് പട്ടാപ്പകൽ. ശ്രീനന്ദം ഫിലിംസിന്റെ ബാനറിൽ എന്ന നന്ദകുമാർ ആണ് നിർമാണം. ഒരു കോമഡി എന്റർടൈമെന്റ് മൂവിയാണ് പട്ടാപ്പകൽ. പി എസ് അർജുൻ ആണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഗോകുലൻ, എസ് വി കൃഷ്ണശങ്കർ, ജോണി ആൻറണി, ഫ്രാങ്കോ ഫ്രാൻസിസ്, പ്രശാന്ത് മുരളി, കിച്ചു ടെല്ലസ്, രമേശ് പിഷാരടി, സുധി കോപ്പ, വിനീത് തട്ടിൽ, രഞ്ജിത് കൊങ്കൽ, ഗീതി സംഗീത, രഘുനാഥ്, ആമിന, സന്ധ്യ തുടങ്ങിയവർ ചിത്രത്തിൽ അഭിനയിക്കുന്നു. സംഗീതം ഷാൻ റഹ്മാൻ, ക്യാമറ കണ്ണൻ പട്ടേരി, ഛായാഗ്രഹായനം ജസ്സൽ ജഹീർ, വരികൾ മനു മഞ്ജിത്ത്.