Thursday, April 3, 2025

വിടപറഞ്ഞ്  മലയാള സിനിമയുടെ മുത്തശ്ശി; നടിയും സംഗീതജ്ഞയുമായ ആർ. സുബ്ബലക്ഷ്മി അന്തരിച്ചു

മലയാള സിനിമയിൽ മുത്തശ്ശി വേഷങ്ങളിൽ നിറഞ്ഞു നിന്നിരുന്ന നടിയും സംഗീതജ്ഞയുമായ ആർ. സുബ്ബലക്ഷ്മി അന്തരിച്ചു. 87 വയസ്സായിരുന്നു. തിരുവനന്തപുരത്തെ സ്വകാര്യ ആശുപത്രിയിൽ വെച്ചായിരുന്നു അന്ത്യം.  വാർദ്ധക്യ സഹജമായ അസുഖമായിരുന്നു. ഓൾ ഇന്ത്യ റെഡിയോയിൽ തെന്നിന്ത്യയിലെ ആദ്യ വനിത കമ്പോസറായിരുന്നു സുബ്ബലക്ഷ്മി. 1951- ൽ റേഡിയോ ജോലിയിലേക്ക് പ്രവേശിച്ചു. കുട്ടിക്കാലം തൊട്ട് കലാമേഖലയിൽ പ്രാവീണ്യം തെളിയിച്ചിരുന്നു സുബ്ബലക്ഷ്മി. രഞ്ജിത് സംവിധാനം ചെയ്ത നന്ദനം എന്ന ചിത്രത്തിലൂടെ വെള്ളിത്തിരയിൽ അഭിനയ ജീവിതത്തിന് തുടക്കമിട്ട സുബ്ബലക്ഷ്മിയെത്തേടി പിന്നീട് നിരവധി മുത്തശ്ശി കഥാപാത്രങ്ങൾ എത്തിക്കൊണ്ടിരുന്നു.

പാണ്ടിപ്പട, സീത കല്യാണം, തിളക്കം, കല്യാണ രാമൻ, പ്രണയ കഥ, സി ഐ ഡി മൂസ, റാണി പദ്മിനി, വൺ, സൌണ്ട് തോമാ, തുടങ്ങിയ സിനിമകളിൽ വേഷമിട്ടു. മലയാള സിനിമയ്ക്ക് പുറമെ ഇതരഭാഷകളിലും സുബ്ബലക്ഷ്മി പ്രത്യക്ഷപ്പെട്ടിട്ടുണ്ട്. കല്യാണ രാമുദു, രാമൻ തേടിയ സീതൈ, ഹൊഗനസു, ഹൌസ് ഓണർ, മധുരമിതം, ഏക് ദീവാന ഥാ, ദിൽബേചാര, യാ മായ ചേ സാ വേ, ഇൻ ദി നെയിം ഓഫ് ഗോഡ്, തുടങ്ങിയ അന്യഭാഷാ ചിത്രങ്ങളിലും അഭിനയിച്ചു.കൂടാതെ  മലയാളത്തിൽ ദൂരദർശനിലെ ഗന്ധർവ്വയാമം, വളയം തുടങ്ങി നിരവധി  സീരിയലുകളിലും അഭിനയിച്ചു. ഡബ്ബിങ് ആർട്ടിസ്റ്റും ഗായികയുമാണ് സുബ്ബലക്ഷ്മി. രുദ്രസിംഹാസനം, ജിമ്മി എഈ വീടിന്റെ ഐശ്വര്യം, മേരിക്കുണ്ടൊരു കുഞ്ഞാട്, അമ്മിണി തുടങ്ങിയ ചിത്രങ്ങളിൽ ഗാനമാലപിക്കുകയും ജാക്ക് ദാനിയേൽ, റോക്ക് ആൻഡ് റോൾ എന്നീ ചിത്രങ്ങളിലെ കഥാപാത്രങ്ങൾക്ക് വേണ്ടി ഡബ്ബിങ്ങും ചെയ്തിട്ടുണ്ട്. നടിയും നർത്തകിയുമായ താരകല്യാൺ അടക്കം മൂന്നു മക്കൾ. ഭർത്താവ് പരേതനായ കല്യാണ കൃഷ്ണൻ.

spot_img

Hot Topics

Related Articles

Also Read

‘നാടന്‍ പാട്ടിന്‍റെ മടിശ്ശീല കിലുക്കി’ മലയാളികൾ പാടിനടന്ന പാട്ടുകൾ…

0
“ഒരു പുലര്‍ച്ചെ പോക്കറ്റിലൊരു കവിതയുമായി വയലാറിനെ തേടി പുറപ്പെട്ടു. തിരക്ക് പിടിച്ച ഒരു പൊതുയോഗ സ്ഥലത്തുവെച്ച് ആ കവിതയേല്‍പ്പിച്ചു തിരികെ പോന്നു . ഒരാഴ്ച കഴിഞ്ഞപ്പോള്‍ വയലാറിന്‍റെ കത്ത് . ‘കവിത നന്നായിട്ടുണ്ട്....

പുതിയ ചിത്രവുമായി വീണ്ടും ഒന്നിച്ച് കുഞ്ചക്കോയും രതീഷ് പൊതുവാളും

0
കുഞ്ചാക്കോ ബോബനും രതീഷ് പൊതുവാളും ഒന്നിക്കുന്ന ‘ഒരു ദുരൂഹ സാഹചര്യത്തിൽ’ എന്ന ഏറ്റവും പുതിയ ചിത്രത്തെക്കുറിച്ചുള്ള കൂടുതൽ വിവരങ്ങൾ പുറത്ത് വിട്ടു. മാജിക് ഫ്രയിംസിന്റെ ബാനറിൽ ലിസ്റ്റിൻ സ്റ്റീഫനും കുഞ്ചാക്കോ ബോബനും ചേർന്നാണ്...

ചിന്നു ചാന്ദ്നി നായികയായി എത്തുന്ന ; ‘വിശേഷ’ത്തിന്റെ ടീസർ പുറത്ത്

0
ചിന്നു ചാന്ദ്നിയെ നായികയാക്കി സ്റ്റെപ്പ് 2 ഫിലിംസിന്റെ ബാനറിൽ അനിൽ സൂരജ് നിർമ്മിച്ച് സൂരജ് ടോം സംവിധാനം ചെയ്യുന്ന കോമഡി ഡ്രാമ ചിത്രം ‘വിശേഷ’ത്തിന്റെ ടീസർ പുറത്തിറങ്ങി.

കണ്ണപ്പ’യിൽ പ്രഭാസിന്റെ  ഫസ്റ്റ് ലുക്ക് പോസ്റ്റർ പുറത്ത്

0
മുകേഷ് കുമാർ സംവിധാനം ചെയ്ത് മോഹൻലാൽ, പ്രഭാസ്, ശിവ രാജ് കുമാർ, മോഹൻബാബു, വിഷ്ണു മഞ്ചു തുടങ്ങിയവർ പ്രധാന വേഷത്തിലെത്തുന്ന ചിത്രം കണ്ണപ്പയിലെ പ്രഭാസിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി.രുദ്ര എന്ന കഥാപാത്രമായാണ്...

തിരക്കഥ- സംവിധാനം ശ്രീജിത്ത് ചന്ദ്രന്‍; ‘ഇമ്പം’ ഇനി പ്രേക്ഷകരിലേക്ക്

0
പ്രേക്ഷകര്‍ ആകാംക്ഷയോടെ കാത്തിരിക്കുന്ന ഫാമിലി എന്‍റര്‍ ടൈമെന്‍റ് ചിത്രം  ‘ഇമ്പം’ പ്രേക്ഷകരിലേക്ക് എത്തുന്നു. ലാലു അലക്സും ദീപക് പറമ്പോലും പ്രധാന വേഷത്തില്‍ എത്തുന്ന ഈ ചിത്രം ഒക്ടോബര്‍ ആദ്യ വാരത്തില്‍ തിയ്യേറ്ററുകളിലേക്ക് എത്തും.