നവാഗതരായ വിജേഷ് പാണത്തൂര്‍, ഉണ്ണി വെള്ളാറ തുടങ്ങിയവര്‍ തിരക്കഥ എഴുതി സംവിധാനം ചെയ്യുന്ന പുതിയ ചിത്രം ‘നദികളില്‍ സുന്ദരി യമുന’ യുടെ മോഷന്‍ പോസ്റ്റര്‍ പുറത്തിറങ്ങി. കണ്ണൂരിലെ ഗ്രാമപശ്ചാത്തലത്തിലാണ് ചിത്രം ഒരുങ്ങുന്നത്. സാധാരണക്കാരായ കണ്ണന്‍ ,വിദ്യാധരന്‍ എന്നീ പ്രധാന കഥാപാത്രങ്ങളായി എത്തുന്നത് അജു വർഗ്ഗീസും ധ്യാനുമാണ്. നർമ്മത്തിലൊരുങ്ങുന്ന ഈ ചിത്രം നിർമ്മി ക്കുന്നത് സിനിമാറ്റിക്സ് ഫിലിംസ് എല്‍ എല്‍ പിയുടെ ബാനറില്‍ വിലാസ് കുമാര്‍, സിമി മുരളി എന്നിവരാണ്.
കലാഭവന്‍ ഷാജോണ്‍, ശരത് ലാല്‍, സുധീഷ്, നിർമ്മൽ, ആമി, അനീഷ്, നവാസ് വള്ളിക്കുന്ന്, പാർവണ, ഉണ്ണിരാജ, സോഹന്‍ സിനുലാല്‍, വിസ്മയ ശശികുമാര്‍, കിരണ്‍ രമേഷ്, രാജേഷ് അഴിക്കോടന്‍, തുടങ്ങിയവരും ചിത്രത്തില്‍ പ്രധാന കഥാപാത്രങ്ങളായി എത്തുന്നു. ചിത്രത്തില്‍ അരുണ്‍ മുരളീധരന്‍ സംഗീതവും മനു മഞ്ജിത്തും ഹരിനാരായണനും വരികള്‍ രചിക്കുകയും ചെയ്തു. എഡിറ്റിങ് ഫൈസല്‍ അലി, ഛായാഗ്രഹണം രതിന്‍ രാധാകൃഷ്ണനും നിർവഹിക്കുന്നു.
