Thursday, April 3, 2025

സകല ‘വില്ലത്തരങ്ങളു’മുള്ള വില്ലന്‍; മലയാള സിനിമ കുണ്ടറ ജോണിയെ ഓര്‍ക്കുന്നു, ഓര്‍മ്മകളുടെ വെള്ളിത്തിരയിലൂടെ

രൂപത്തിലും ഭാവത്തിലും മാത്രമല്ല, ഓരോരോ ശരീര ചേഷ്ടകളിലും ‘ഞാന്‍ വില്ലനാ’ണെന്ന് ധ്വനിപ്പിക്കുന്ന നടന്‍. കഥാപാത്രങ്ങളെ ശരീരഭാഷയോടൊപ്പം ചേര്‍ത്തിണക്കിക്കൊണ്ട് പോകുന്ന ഭാവഗരിമ. കുണ്ടറ ജോണി എന്ന അഭിനേതാവിനെ മറക്കില്ല ഒരു സിനിമാപ്രേമിയും. ജീവിതത്തിലും കലയിലും  അദ്ദേഹം എന്നന്നേക്കുമായി വെള്ളിത്തിരയുടെ അഭ്രപാളികളിലേക്ക് മറയുമ്പോള്‍ അദ്ദേഹമാടിതിമിര്‍ത്ത ഓരോ കഥാപാത്രങ്ങളും വേദിയില്‍ ബാക്കിയാകുന്നു. മലയാളി മനസുകളിലെ ആ വേദിയില്‍ ഇനി കുണ്ടറ ജോണിയുടെ കഥാപാത്രങ്ങളും കടന്നുവരികയായി.  

ഗൌരവമുള്ള ഗുണ്ടയായും ചിരിപ്പിക്കുന്ന ഗുണ്ടയായും സഹനടനായും വിഭിന്ന വേഷപ്പകര്‍ച്ചകള്‍.  വിശ്വസിച്ചു കയ്യില്‍ തന്നേല്‍പ്പിക്കുന്ന ഓരോ കഥാപാത്രങ്ങളെ യും അദ്ദേഹം പകര്‍ന്നാടുകയായിരുന്നു. 1979- ല്‍ ‘നിത്യവസന്തം’ എന്ന ചിത്രത്തിലൂടെ മലയാള സിനിമയിലേക്ക് കടന്നു വന്ന കുണ്ടറ ജോണി പിന്നീട് നിരവധി വേഷങ്ങള്‍ കൈകാര്യം ചെയ്തു. ആറാംതമ്പുരാനിലും സ്ഫടികത്തിലും കിരീടത്തിലും നാടോടിക്കാറ്റിലും ഗോഡ് ഫാദറിലു൦ ഭരത്ചന്ദ്രന്‍ ഐ പി എസിലും അദ്ദേഹം മികച്ച അഭിനയമാണ് കാഴ്ചവെച്ചത്. ഗുണ്ടാവേഷത്തിലും കാക്കിക്കുള്ളിലെ വില്ലനെയും പേടിപ്പിക്കും വിധം അഭിനയിച്ചു ഫലിപ്പിക്കുവാന്‍ അദ്ദേഹത്തിന് സാധിച്ചിട്ടുണ്ട്. മലയാളത്തില്‍ മാത്രമല്ല, ഇതര ഭാഷകളിലെ സിനിമകിലൂടെയും  കുണ്ടറ ജോണിയിലെ വില്ലനെ അറിഞ്ഞു.

എഴുപത്തിയൊന്നാമത്തെ വയസ്സില്‍ ജീവിതത്തില്‍ നിന്നും 44 വര്‍ഷത്തെ കരിയറില്‍ നിന്നും പടിയിറങ്ങുമ്പോള്‍ അദ്ദേഹത്തിന്‍റെ ഓര്‍മകളിലൂടെ, കഥാപാത്രങ്ങളിലൂടെ  ജീവിക്കുകയാണ് സിനിമാലോകം. ഹൃദയാഘാതത്തെ തുടര്‍ന്നു ഉടനെ ആശുപത്രിയില്‍ എത്തിച്ചെങ്കിലും രക്ഷിക്കാന്‍ കഴിഞ്ഞില്ല. തച്ചിലേടത്ത് ചുണ്ടന്‍, വര്‍ണ്ണപ്പകിട്ട്, സമാന്തരം, ആഗസ്ത് 15, ഹലോ, സാഗരം സാക്ഷി, ആനവാല്‍മോതിരം, അവന്‍ ചാണ്ടിയുടെ മകന്‍, ബല്‍റാം v/s താരാദാസ്, മൂന്നാം ഖണ്ഡം, തുടങ്ങിയ ചിത്രങ്ങളിലും ശ്രദ്ധേയ വേഷങ്ങള്‍ ചെയ്തു. അറിയപ്പെടുന്നൊരു ഫുഡ്ബാള്‍ താരം കൂടിയാണ് ഇദ്ദേഹം. കൊല്ലം ഫാത്തിമ മാതാ കോളേജിലെ അധ്യാപിക സ്റ്റെല്ല ആണ് ഭാര്യ. ഉണ്ണി മുകുന്ദന്‍ നായകനായി അഭിനയിച്ച ‘മേപ്പടിയാന്‍’ ആണ് ഇദ്ദേഹം അഭിനയിച്ച ഒടുവിലത്തെ സിനിമ.

spot_img

Hot Topics

Related Articles

Also Read

ബാംഗ്ലൂര്‍ ഡേയ്സ് റീമേക് യാരിയാന്‍ 2; ടീസര്‍ പുറത്തിറങ്ങി

0
2014- ല്‍ അഞ്ജലി മേനോന്‍ സംവിധാനം ചെയ്ത ചിത്രം ബാംഗ്ലൂര്‍ ഡേയ് സിന്‍റെ ഹിന്ദി റീമേക് വരുന്നു. 2014- ലെ തന്നെ യാരിയാന്‍ ചിത്രത്തിന്‍റെ രണ്ടാം ഭാഗം എന്ന നിലയിലാണ് ചിത്രത്തിന്‍റെ ടീസര്‍ പുറത്തു വിട്ടത്.

നിര്‍മാണം ചെമ്പന്‍ വിനോദ്; ‘അഞ്ചക്കള്ളകോക്കാന്‍’ ഫസ്റ്റ് ലുക്ക് പോസ്റ്റര്‍ പുറത്ത്

0
നടനായും നിര്‍മാതാവായും തിരക്കഥാകൃതായും മലയാള സിനിമയില്‍ തന്‍റേതായ ഇരിപ്പിടം കണ്ടെത്തിയ ചെമ്പന്‍ വിനോദ് നിര്‍മാതാവായി എത്തുന്ന ചിത്രം ‘അഞ്ചക്കള്ളകോക്കാന്‍’ ചെമ്പന്‍ വിനോദിന്‍റെ സഹോദരന്‍ ഉല്ലാസ് ചെമ്പന്‍ സംവിധാനം ചെയ്യുന്നു

പ്രത്യേക ജൂറിപുരസ്കാരം നേടി ഇന്ദ്രന്‍സ്; അല്ലു അര്‍ജുന്‍ മികച്ച നടന്‍, നടി ആലിയ ഭട്ടും കൃതി സനോനും

0
69- മത് ദേശീയ ചലച്ചിത്ര പുരസ്കാരങ്ങള്‍ പ്രഖ്യാപിച്ചു. ‘പുഷ്പ’യിലെ അഭിനയത്തിനു മികച്ച നടനായി അല്ലു അര്‍ജുനനെയും ഗംഗുഭായ് കത്തിയവാഡിയിലെ അഭിനയത്തിനു ആലിയ ഭട്ടും കൃതി സനോനും  മികച്ച നടിയായും തിരഞ്ഞെടുത്തു. ‘ഹോം’ എന്ന ചിത്രത്തിലെ മികച്ച അഭിനയത്തിനു ഇന്ദ്രന്‍സ് പ്രത്യേക ജൂറി പുരസ്കാരം സ്വന്തമാക്കി.

‘തുണ്ടി’ൽ ബിജു മേനോനും ഷൈൻ ടോം ചാക്കോയും; സെക്കന്റ് ലുക്ക് പോസ്റ്റർ റിലീസ്

0
തല്ലുമാല, അയൽവാശി തുടങ്ങിയവയാണ് ആഷിഖ് ഉസ്മാൻ സംവിധാനം ചെയ്ത മറ്റ് സിനിമകൾ. പൊലീസ് കഥയാണ് പ്രമേയം. ചിത്രത്തിന് തിരക്കഥ ഒരുക്കുന്നത് റിയാസ് ഷെരീഫും കണ്ണപ്പനുമാണ്.

‘പുള്ളി’യുമായി ദേവ് മോഹൻ എത്തുന്നു;  ഡിസംബർ 8 ന് തിയ്യേറ്ററുകളിൽ

0
പുള്ളി എന്ന ത്രില്ലർ മൂവിയിൽ പ്രധാന കഥാപാത്രമായി ദേവ് മോഹൻ എത്തുന്നു. ചിത്രം ഡിസംബർ വെള്ളിയാഴ്ച തിയ്യേറ്ററുകളിലേക്ക് എത്തും. കമലം ഫിലിംസിന്റെ ബാനറിൽ ടി ബി രഘുനാഥൻ നിർമ്മിച്ച് ജിജു അശോകൻ സംവിധാനം ചെയ്യുന്ന ചിത്രമാണ് പുള്ളി.