Friday, April 4, 2025

സിനിമ- നാടക നടന്‍ വര്‍ഗീസ് കാട്ടിപ്പറമ്പന്‍ അന്തരിച്ചു

ആദ്യകാല പ്രമുഖ സിനിമ- നാടക നടന്‍ തൃപ്പൂണിത്തുറ വൈക്കം റോഡ് കണ്ണന്‍ കുളങ്ങരയില്‍ വര്‍ഗീസ് കാട്ടിപ്പറമ്പന്‍ അന്തരിച്ചു. 88- വയസ്സായിരുന്നു. സിനിമയിലും നാടകത്തിലും സജീവമായിരുന്നു. ‘സ്റ്റേജിലെ സത്യന്‍’ എന്ന വിശേഷണമായിരുന്നു അക്കാലത്ത് വര്‍ഗീസ് കാട്ടിപ്പറമ്പന്. 1971- ല്‍ പുറത്തിറങ്ങിയ ‘അനാഥശില്പങ്ങള്‍’ എന്ന ചിത്രത്തിലൂടെ വെള്ളിത്തിരയില്‍ നായകനായി എത്തി. സരസ്വതിയായിരുന്നു ഈ ചിത്രത്തിലെ നായിക. സിനിമയില്‍ പ്രസാദ് എന്നായിരുന്നു ഇദ്ദേഹത്തിന്‍റെ പേര്. പിന്നീട് സുമംഗലിയിലൂടെ ഷീലയുടെയും ലക്ഷ്യം എന്ന ചിത്രത്തിലൂടെ രാഗിണിയുടെയും ജയഭാരതിയുടെയും നായകനായി അഭിനയിച്ചു.

‘നശിക്കാത്ത ഭൂമി’ എന്ന നാടകത്തിലൂടെ 1954- ല്‍ നാടകത്തിലേക്ക് അരങ്ങേറ്റം കുറിച്ചു. കൈരളി തിയ്യേറ്റേഴ്സ്, അങ്കമാലി പൌര്‍ണമി, മാനിഷാദ, കോട്ടയം നാഷണല്‍, വൈക്കം മാളവിക, ചങ്ങനാശ്ശേരി ഗീഥ, കായംകുളം പീപ്പിള്‍സ് തുടങ്ങിയ നിരവധി നാടക ട്രൂപ്പുകളില്‍ അഭിനയിച്ചു. ആകാശവാണി നാടകങ്ങളില്‍ നിറസാന്നിധ്യമായിരുന്നു. 1977- ല്‍ നാടകരംഗത്തില്‍ നിന്നും വിടവാങ്ങി. ഇതിനിടെ ശാപമോക്ഷം, ഇത്തിരിനേരം ഒത്തിരികാര്യം, വാരഫലം എന്നീ സിനിമകളിലും തലമുറകള്‍ എന്ന  മെഗാസീരിയലിലും അഭിനയിച്ചിട്ടുണ്ട്. സമഗ്രസംഭാവനയ്ക്ക് സംസ്ഥാന നാടക അക്കാദമിയിലൂടെ ഗുരുപൂജ പുരസ്കാരം ലഭിച്ചു. ഭാര്യ: റോസമ്മ. മക്കള്‍: പരേതനായ അലന്‍ റോസ്, അനിത റോസ്, ആര്‍ലിന്‍ റോസ്. സംസ്കാരം ശനിയാഴ്ച 4 നു തൃപ്പൂണിത്തുറ സെയിന്‍റ് മേരീസ് ഫൊറോന പള്ളി സെമിത്തേരിയില്‍ വെച്ചു നടക്കും.

spot_img

Hot Topics

Related Articles

Also Read

‘അബ്രഹാം ഓസ് ലറി’ൽ താരമായി ജയറാം; ജനുവരി ഒന്നിന് ചിത്രം തിയ്യേറ്ററുകളേക്ക് എത്തും

0
കുടുംബ പ്രേക്ഷകരക്കിടയിൽ പ്രിയങ്കരനായ ജയറാം നായകനാകുന്ന പുതിയ ചിത്രം ചിത്രം അബ്രഹാം ഓസ് ലർ 2024 ജനുവരി പതിനൊന്നിന് തിയ്യേറ്ററുകളിലേക്ക് പ്രദർശനത്തിന് എത്തും. മിഥുൻ മാനുവേൽ സംവിധാനം ചെയ്ത ഈ ചിത്രം ഒരു മെഡിക്കൽ ത്രില്ലർ ജോണറിലുള്ള മൂവിയാണ്.

‘കാതലി’ന് വിജയാഘോഷവുമായി മമ്മൂട്ടി ഫാൻസ് ആസ്ത്രേലിയൻ ഘടകം

0
കേരളമൊട്ടാകെ പ്രദർശനത്തിനെത്തി നിരൂപക പ്രശംസനേടിയ മമ്മൂട്ടി ചിത്രം ‘കാത’ലിന്റെ വിജയാഘോഷം ആസ്ട്രേലിയയിലെ മെൽബണിലും വെച്ച് നടന്നു. മമ്മൂട്ടി ഫാൻസ് ആൻഡ് വെൽഫെയർ അസോസിയേഷൻ ഇന്റർനാഷണൽ ആസ്ത്രേലിയ ഘടകം പ്രസിഡന്റ് മദനൻ ചെല്ലപ്പൻ ആണ് പരിപാടിക്ക് നേതൃത്വം നല്കിയത്.

പറന്നുയരാനൊരുങ്ങി ‘ഗരുഡന്‍;’ ട്രൈലര്‍ റിലീസായി

0
ബിജുമേനോനും സുരേഷ് ഗോപിയും പ്രധാനവേഷത്തില്‍ എത്തുന്ന ‘ഗരുഡ’ന്‍റെ ട്രൈലര്‍ പുറത്തിറങ്ങി. ഒരു ലീഗല്‍ ത്രില്ലര്‍ ചിത്രമാണ്  ഗരുഡന്‍.

ഗൌതം രവീന്ദ്രന്റെ കഥയും തിരക്കഥയും സംവിധാനവും; ‘ചിത്രീകരണം പൂർത്തിയാക്കി ‘കനോലി ബാന്റ് സെറ്റ്’

0
വെസ്റ്റേൺ ബ്രീസ് പിക്ചേഴ്സിന്റെ ബാനറിൽ ബാബു കാരാട്ട്, സി കെ സുന്ദർ എന്നിവർ നിർമ്മിച്ച് ഗൌതം രവീന്ദ്രൻ കഥയും തിരക്കഥയുമെഴുതി സംവിധാനം ചെയ്യുന്ന ഏറ്റവും പുതിയ ചിത്രം ‘കനോലി ബാന്റ് സെറ്റ്’ ന്റെ...

നര്‍മത്തില്‍ പൊതിഞ്ഞ ‘മാസ്റ്റര്‍ പീസ്’; വെബ് സീരീസ് ട്രൈലര്‍ ഡിസ്നി പ്ലസ് ഹോട്ട്സ്റ്റാറില്‍

0
ഡിസ്നി പ്ലസ് ഹോട്ട്സ്റ്റാറിന്‍റെ വെബ് സീരീസ് ‘മാസ്റ്റര്‍ പീസി’ന്‍റെ ട്രൈലര്‍ പുറത്തിറങ്ങി. ഡിസ്നി പ്ലസിന്‍റെ തന്നെ മുന്‍പിറങ്ങിയ മലയാളം വെബ് സീരീസായ ‘കേരള ക്രൈം ഫയല്‍സ്’ ഏറെ ജനപ്രീതി നേടിയിരുന്നു. എന്നാല്‍ കേരള ക്രൈം ഫയല്‍സില്‍ നിന്നും തീര്‍ത്തൂം വ്യത്യസ്തമായ പ്രമേയവുമായാണ് ഡിസ്നി ഹോട്ട്സ്റ്റാര്‍ മാസ്റ്റര്‍ പീസിലൂടെ വരുന്നത്.