സിനിമ നിർമ്മാതാവും പ്രവാസിയുമായ നാലുകെട്ട് ചക്യേത്ത് തങ്കച്ചൻ അന്തരിച്ചു. ഹൃദയാഘാതമാണ് മരണകാരണം. വളരെ കാലത്തെ പ്രയത്നത്തിനൊടുവിൽ നിർമ്മിച്ച സിനിമ പുറത്തിറങ്ങാനിരിക്കവേ ആണ് അപ്രതീക്ഷിത വിയോഗം. 52 വയസ്സായിരുന്നു. ഷാർജയിൽ ഫോർത്ത് വ്യൂ ടെക്നിക്കൽ കോൺട്രാക്ട്ടിംഗ് ഉടമയായിരുന്നു ഇദ്ദേഹം. സിനിമാസംബന്ധിയായ കാര്യങ്ങൾക്കായി ഏതാനും ദിവസങ്ങൾക്കുള്ളിൽ നാട്ടിലേക്ക് മടങ്ങാനുള്ള ഒരുക്കത്തിലായിരുന്നു.
മകൻ ഗോഡ്വിന്റെ അഭിനയത്തോടുള്ള താല്പര്യത്തിലൂടെയാണ് അദ്ദേഹം സിനിമ നിർമ്മാണമേഖലയിലേക്ക് ശ്രദ്ധ തിരിച്ചത്. കിറ്റ് ക്യാറ്റ് എന്ന ചിത്രത്തിലൂടെ അഭിനയരംഗത്തിലേക്ക് ചുവട് വയ്ക്കുവാനുള്ള ഒരുക്കത്തിലായിരുന്നു മകൻ ഗോഡ് വിൻ. ജയൻ ചേർത്തല ചിത്രീകരണം പൂർത്തിയാക്കിയ സിനിമയാണ് കിറ്റ് ക്യാറ്റ്. ഇന്ദ്രൻസ്, ഉർവശി തുടങ്ങിയവരാണ് മറ്റ് പ്രധാന വേഷത്തിൽ അഭിനയിച്ചിട്ടുള്ളത്. വെള്ളിയാഴ്ച മൃതദേഹം നാ ട്ടിൽ എത്തിക്കും. സംസ്കാരം വെള്ളിയാഴ്ച നാലിന് നാലുകെട്ട് സെയ്ൻറ് ജോസഫ് പള്ളി സെമിത്തേരിയിൽ വെച്ച് നടക്കും. മക്കൾ: ഗോ വിൻ, ക്രിസ് വിൻ, ഭാര്യ: മഞ്ജു.
