സൂപ്പര്‍ ഹിറ്റ് ചിത്രം മാളികപ്പുറത്തിന് ശേഷം സൈജു കുറുപ്പും ദേവനന്ദയും ഒന്നിക്കുന്ന ചിത്രം ‘ഗു’ വരുന്നു. മണിയന്‍ പിള്ള രാജു പ്രൊഡക്ഷന്‍സിന്‍റെ ബാനറില്‍ മണിയന്‍പിള്ള രാജു നിര്‍മിക്കുന്ന ചിത്രമാണ് ‘ഗു’. ഹൊറര്‍- സൂപ്പര്‍ നാച്ചുറല്‍ ചിത്രമാണ് ഗു. മാളികപ്പുറത്തിലൂടെ ബാലതാരമായി എത്തിയ ദേവനന്ദയാണ് ചിത്രത്തില്‍ പ്രധാനകഥാപാത്രമായി എത്തുന്നത്. മുന്ന എന്ന കഥാപാത്രമായാണ് ‘ഗു’ എന്ന ചിത്രത്തില്‍ ദേവനന്ദ എത്തുന്നത്. ഈ ചിത്രത്തിലും മുന്നയുടെ അച്ഛനായാണ് സൈജുകുറുപ്പ് എത്തുന്നത്. അശ്വതി മനോഹരനാണ് മുന്നയുടെ അമ്മയായി എത്തുന്നത്. കക്ഷി അമ്മിണിപ്പിള്ള, സ്വാതന്ത്ര്യം അര്‍ദ്ധരാത്രിയില്‍ എന്നീ ചിത്രങ്ങളിലും കേരള ക്രൈം ഫയല്‍ എന്ന വെബ് സീരീസിലും അശ്വതി മോഹന്‍ പ്രധാന കഥാപാത്രമായി അഭിനയിച്ചിട്ടുണ്ട്.
ബി. ഉണ്ണികൃഷ്ണന്‍റെ ‘സ്മാര്‍ട്ട് സിറ്റി’ എന്ന ചിത്രത്തിലൂടെ സഹസംവിധായകനായി എത്തിയ മനുവാണ് ഈ ചിത്രം സംവിധാനം ചെയ്യുന്നത്. ആഗസ്ത് 19- നു ചിത്രത്തിന്‍റെ ഷൂട്ടിംഗ് ആരംഭിക്കും. ദേവനന്ദ, സൈജു കുറുപ്പ്, അശ്വതി മനോഹരന്‍, രമേഷ് പിഷാരടി, നന്ദിനി ഗോപാലകൃഷ്ണന്‍, മണിയന്‍ പിള്ള രാജു, നിരഞ്ജ് മണിയന്‍പിള്ള രാജു, ലയാ സിംസണ്‍, കഞ്ചന്‍ തുടങ്ങിയവര്‍ ചിത്രത്തില്‍ അഭിനയിക്കുന്നു. സംഗീതം- ജോനാഥന്‍ ബ്രൂസ്, ഛായാഗ്രഹണം- ചന്ദ്രകാന്ത് മാധവ്, എഡിറ്റിങ്- വിനയന്‍ എം ജി .
