സിനിമയും രാഷ്ട്രീയവും ഒരുപോലെ മുന്നോട്ട് കൊണ്ടുപോകാനുറച്ച് സുരേഷ് ഗോപി. തന്റെ 250- മത്തെ ഏറ്റവും പുതിയ ചിത്രമായ ‘ഒറ്റക്കൊമ്പനി’ൽ നായകനായി അഭിനയിക്കുവാൻ ഒരുങ്ങുകയാണ് സുരേഷ് ഗോപി. മൂന്നാം മൊദി സർക്കാർ അധികാരത്തിൽ എത്തിയപ്പോൾ കേരളത്തിൽ കേന്ദ്രസഹമന്ത്രിയായി ചുമതലയേറ്റ സുരേഷ് ഗോപി സിനിമ സെറ്റിൽ ഒരു ഓഫീസ് പ്രവർത്തിപ്പിക്കുമെന്നും പറഞ്ഞു. പെട്രോളിയം, പ്രകൃതിവാതകം, ടൂറിസം വകുപ്പ് എന്നീ വകുപ്പുകളുടെ സഹമന്ത്രി സ്ഥാനമാണ് സുരേഷ് ഗോപിക്ക് ലഭിച്ചിരിക്കുന്ന ചുമതല.
ജൂലൈ മാസത്തിൽ ‘ഒറ്റക്കൊമ്പൻ’ ചിത്രത്തിന്റെ ഷൂട്ടിംഗ് ആരംഭിക്കും. മുളകുപാടം ഫിലിംസിന്റെ ബാനറിൽ ടോമിച്ചൻ മുളകു പാടമാണ് നിർമ്മാണം. 2020 ൽ ആണ് സിനിമയുടെ തീരുമാനം ഉണ്ടായതെങ്കിലും പല കാരണങ്ങളാൽ ഷൂട്ടിംഗ് നീണ്ടുപോകുകയായിരുന്നു. നവാഗതനായ മാത്യൂസ് തോമസ് ആണ് ചിത്രം സംവിധാനം ചെയ്യുന്നത്. ഷിബിൻ ഷാജികുമാറിന്റെതാണു തിരക്കഥ. ഛായാഗ്രഹണം ഷാജി കുമാർ, സംഗീതം ഹർഷവർദ്ധനൻ രമേശ്വരൻ.
