നവാഗതനായ അഫ്രദ് വി കെ സംവിധാനവും എഡിറ്റിങും ചെയ്ത ‘റിപ്ടൈഡ്’ എന്ന ചിത്രം 53- മത് റോട്ടർഡാം ഇന്റർനാഷണൽ ഫിലിം ഫെസ്റ്റിവലിലേക്ക് തിരഞ്ഞെടുക്കപ്പെട്ടു. ബ്രയിറ്റു ഫ്യൂച്ചർ വിഭാഗത്തിലാണ് ചിത്രം പ്രദർശിപ്പിക്കുക. എൺപതുകളിലെ മിസ്റ്ററി/ റൊമാൻസ് ചിത്രമാണ് റിപ്ടൈഡ്. നവാഗതരായ സ്വലാഹ് റഹ്മാനും ഫാരിസ് ഹിന്ദും പ്രധാന കഥാപാത്രങ്ങളായി അഭിനയിച്ചു.
മെക്ബ്രാന്റ് പ്രൊഡക്ഷൻസിന്റെ ബാനറിൽ കോമൾ ഉനാവ്നെ നിർമ്മിച്ച ചിത്രമാണ് ‘റിപ്ടൈഡ്’. പരീക്ഷണ സിനിമകൾക്കും സ്വതന്ത്ര്യ സിനിമകൾക്കും പ്രാധാന്യം നല്കുന്ന ഫിലിം ഫെസ്റ്റിവലാണിത്. പി എസ് വിനോദരാജ് സംവിധാനം ചെയ്ത കുഴങ്കൽ, സനൽ കുമാർ ശശിധരന്റെ സെക്സി ദുർഗ്ഗ തുടങ്ങിയവയാണ് റോട്ടർഡാം ഇന്റർനാഷണൽ ഫിലിം ഫെസ്റ്റിവലിൽ അവാർഡ് നേടിയ മുൻ ഇന്ത്യൻ സിനിമകൾ.
